Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Орадан ўтди қарийб икки ой ,

Сизни қаттиқ соғиндик, улуғ Ҳазратим .

Бугун кўрдим осмонда гўзал Ҳилол ой ,

Гўё сизни кўрдим буюк Ҳазратим.

Қабрингиз қуръоний нурга тўлгандир ,

Қуръонга тафсирлар ёзган Ҳазратим .

Жаннатдан қасрлар насиб қилгандир ,

Саҳобаларга издош бўлган Ҳазратим.

Сизни йўлингиздан биз ҳам борайлик ,

Балки, дийдор яқин, буюк Ҳазратим .

Китобингиздан энди илм   олайлик ,

Ҳаёлан овозингиз тинглаб Ҳазратим.

Пайғамбаримизни бизга танитиб ,

Ҳадис ва Ҳаётни битган Ҳазратим .

Саҳиҳул Бухорийни таржима қилиб ,

«Олтин силсила»син қурган Ҳазратим.

Ислом мўътадил деб бизга ўргатиб

Ҳақ динни Васат деб билган Ҳазратим .

Ҳар ҳил фитналардан Исломни поклаб ,

Сунний ақидани тутган Ҳазратим.

Роббимга қилурман ажиб бир нидо,

Набийлар ёнида бўлинг, Ҳазратим

Асло демасман сизга, Алвидо ,

Иншааллоҳ, дийдор бўлур, Ҳазратим.

Юсуф Расулов