«Facebook» биринчи марта саудиялик аёлни ишга ёллади
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

«Facebook» ижтимоий тармоғи Саудия Арабистонини эркинлаштириш жараёнига ўз муносабатини билдирган кўринади. У биринчи марта саудиялик аёлни ишга ёллади. Яқинда Ирландиянинг Тринити университетини «Халқаро савдо ва иқтисодиёт» йўналиши бўйича тамомлаган Самар Абдулмуҳсин ас-Султоний эндиликда «Facebook»да кичик ва ўрта корхоналар назорати билан шуғулланади ҳамда уларга ўз бизнесларини ривожлантириш учун «Facebook»дан қандай фойдаланиш кераклиги ҳақида маълумотлар бериб туради. Самар Ал-Султоний аёллар модасига хосланган «Сайидатий» журналига берган интервьюсида уни «Facebook» билан бир вақтнинг ўзида «Google»га ҳам ишга таклиф қилишгани, аммо «Facebook»ни афзал билганини айтган. У ишга қабул қилингунича еттита суҳбатдан ўтишига тўғри келди. Таъкидлаш жоизки, ушбу қарор нафақат саудиялик аёллар, балки «Facebook» тармоғи ходимарининг ўзи учун ҳам анча олға қадам саналади. Аёлларни кам ишга ёллаши сабабли бу улкан ижтимоий тармоқ тез-тез танқид остига олиб турилади. Шунинг учун «Facebook» ўтган йили маълум чоралар кўришга мажбур бўлди – компанияда ишлаётган аёллар улушини 33 фоиздан 35 фоизгача оширди, хусусан, техник бўлимда ишлаётган аёллар улуши 17 фоиздан 19 фоизга ошди. Саудиялик аёлнинг ишга ёлланиши эса компания фаолиятига ўзига хос ранг-баранглик киритиши шубҳасиз. Саудияликлар ижтимоий тармоқлар орқали Самарни ва бир-бирларини табриклаб, «Бу саудиялик ёшларнинг улкан ютуғидир», дея таъкидлашмоқда.

Мавзуга оид мақолалар
Азиз мусулмон дўстим. Биламан, сиз жаннатга киришни хоҳлайсиз, Аллоҳнинг дийдорини кўришни истайсиз. Яна шуни биламанки, сиз ким ва қандай инсон бўлишингиздан давоми...

08:01 / 01.12.2016 2061
Бисмиллаҳир Роҳманир Роҳийм. Алҳамдулиллаҳи Роббил аъламин, вассолату вассаламу ала Муҳаммадин ва ала алиҳи ва соҳбиҳи ажмаъийн Ассалому алайкум ва давоми...

15:08 / 22.10.2017 1825
embedhttpswww.youtube.comwatchvbQC41Wi4npQembed

13:15 / 23.09.2015 2178
  Муборак Рамазон ойи кириб келишидан бир неча кун олдин мана шу кунларда Расулуллоҳ соллаллоҳу алайҳи васаллам хутба ўқидилар.  Ибн Ҳузайма ўзининг саҳиҳида давоми...

05:10 / 07.02.2017 3940