Болажоним (шеър)
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

«Омин» десанг, олам назар солсин, дедим, Хақ бергани Хақ йўлидан борсин, дедим. Шайтончалар бармоқ тишлаб қолсин, дедим. Дуога кафт очганингда, болажоним.   Тақлидинг ҳам ўзинг каби беғубор кўп, Макр билмас кўзинг билан меҳрни ўп. Қаҳри қаттиқ қалблар ҳам бир уялсин хўп, Дуога кафт очганингда, болажоним.   Атак-чечак синалганда йўлчанг билан, Чархи дунни эрит чучук тилчанг билан, Бўжиларни боғлаб қўй шу қўлчанг билан, Дуога кафт очганингда, болажоним.   Руҳинг тоза , гард теккизмай ўтмоқ душвор, Бу найрангбоз дунёнинг минг нағмаси бор. Нахсу нафснинг нафасидан кетсин мадор, Дуога кафт очганингда, болажоним!   Шукр десанг «р» часини тишлаб қолгин, Илк шукронанг ширасини ушлаб қолгин. Ношукрлар кўзларини ёшлаб қолгин, Дуога кафт очганингда, болажоним.   Ҳаёт сенга бор болини этсин инъом, Иқболингни кўрай кўзим қувнаб мудом. Илм бирла иймонингга тикла эҳром, Дуога кафт очганингда, болажоним.   Ҳали ўх-хўў олдиндадир чин саждалар, Қалбим шодлар қалбингдаги илк муждалар, Эртакларда яшайверсин дев, аждарлар, Дуога кафт очганингда, болажоним.   Боламсан-у сен, барибир. Хақникисан, Иймонинг бут бўлса, элу халқникисан. Ман-ман деган ёву ётни қилма писанд. Дуога кафт очганингда, болажоним.   Айланайин, Аллоҳимнинг ҳимматидан, Юракчангга солган хайру ҳикматидан, Жумла жаҳон қувват олсин қудратидан, Дуога кафт очиб турсанг, болажоним!     Муаззам Иброҳимова
Мавзуга оид мақолалар
Анжир билан қасам, зайтун билан қасам. Тин сураси 1оят Зайтуннинг бўйи тўрт, етти метргача борадиган майда давоми...

11:31 / 24.11.2016 19912
Ўғлим ҳуқуқшунослик факултетида талаба эди. Мен у билан жуда кўп тортишиб қолардим. Бирор бир кун уни давоми...

06:31 / 01.01.2023 5062
embedhttpswww.youtube.comwatchvaO7ya3JNmBcembed Барозиқ ширинлиги Ассалому алайкум Сизлар билан яна учрашганимиздан давоми...

19:37 / 17.03.2017 4782
gallery linkfile ids3689,3690  Устоза Руқайя Абдуллоҳ Ҳажрий ҳамда Устоза Нура Зийкож «Хайрия ишларида аёл кишининг давоми...

10:53 / 28.01.2017 4441