Ҳикматли қабила
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 Азд қабиласи аҳли Мадинадан борган даъватчининг сўзлари билан иймонга кирган эди. Аллоҳнинг Расулини шахсан кўргилари келди. Шу ниятда етти кишилик бир гуруҳ бир куни Пайғамбар соллаллоҳу алайҳи васаллам жанобимизнинг ҳузурларига келишди. Салом беришди. Жанобимиз уларнинг саломига жавоб берарканлар, мусофирларнинг қилиқ ва қиёфаларидан, гап-сўзларидан мамнун бўлдилар.

— Сизлар қайси диндасизлар? – деб сўрадилар.

— Биз мўминлармиз, – деб жавоб қилишди улар. Жавоб ёқимли эди. Жанобимиз кулимсирадилар. — Ҳар нарсанинг бир ҳақиқати бўлади. Динларингизнинг ва иймонларингизнинг ҳақиқати нима? — Ўн беш хусусиятимиз бор. Улардан бештасини сиз юборган элчи бизга етказди. Биз уларга иймон келтирдик. У буюрган яна бештасига биз амал қиляпмиз. Яна жоҳилият давридан бизга ўтган бешта нарса бор. Агар буларни ёқтирмасангиз, тарк этишимиз қийин эмас.

— Элчиларим сизларни ишонишга буюрган беш нарса нима? — Аллоҳга, фаришталарига, китобларига, пайғамбарларига ва ўлгандан сўнг қайта тирилишга ишонишдир. — Қилишга буюрган беш нарса нима? — Аллоҳдан бошқа ҳеч бир илоҳ йўқ, деб иқрор бўлишга, намозни дуруст қилишга, закот беришга, Рамазон рўзасини тутишга ва йўлга қодирларимизга ҳаж қилишга буюрди. — Хўп, майли. Жоҳилият давридан эргаштириб келган беш нарсангиз нима? — Кенглик ва мўл-кўллик пайтида шукр, бало ва мусибат вақтида сабр, қазога рози бўлиш, душман билан юзма-юз келганда қочмасдан сабот кўрсатиш ва душман бошига келган мусибатга севинмаслик. Бу сўзларни эшитиб Расулуллоҳ соллаллоҳу алайҳи васаллам жанобимиз: — Бу одамлар ҳикмат топган одамлар экан. Ўзлари қаерда бўлишса ҳам, Пайғамбар тарбиясида етишган, деса бўладиган ҳолга келишибди, – деб марҳамат қилдилар. Сўнгра сўзларини бундай давом этирдилар: – Мен ҳам яна беш нарсани қўшай, ҳаммаси йигирма хусусият бўлсин. Агар сизлар ҳақиқатан шунақа одам бўлсаларинг, емайдиганларингни қўшиб йиғманглар. Ичида ўтирмайдиган уйни қуришга уринманглар. Эртага айрилажагингиз нарсалар билан мусобақалашишга чиқманглар. Ҳузурига тўпланиб арз этиладиганингиз Аллоҳни севинглар. Борадиганингиз ва абадий қолажагингиз оламга ҳозирлик кўринглар. Азд қабиласи вакиллари Расули Акрам соллаллоҳу алайҳи васалламнинг бу тавсияларини зеҳнларига муҳрлаб, ватанларига қайтишди.

Аҳмад Лутфийнинг «Саодат асри қиссалари» китобидан олинди.

Мавзуга оид мақолалар
Изланишлар ва тадқиқотлар шуни кўрсатадики, икки ёшдан кичик болалар учун телевизор дастурларини томоша қилиш ақлнинг табиий тўғри ривожланишини тўсиб қўяр давоми...

23:31 / 04.11.2018 836
  27 апрель 2018 йил санасида «muslimaat.uz» раҳбари Одинахон Муҳаммад Содиқ Россия Федерациясига илмий сафар уюштирди. Одинахон Муҳаммад Содиқ Москва Ислом давоми...

20:56 / 28.04.2018 922
Имрон шаҳарнинг кўзга кўринган оилаларидан бирида катта бўлган йигит. Отаонасининг эркатойи. Ҳар доим унинг талаби дарров қондирилган. Атрофида эса бебош давоми...

00:26 / 11.07.2017 2550
Масаллиқ Ун 250 г, сув 150 г, туз таъбга кўра қийма учун гўшт250 г, пиёз200 г, думба40 г, туз, зира, мурч таъбга кўра Унга намакобли сув солиб, хамир давоми...

02:10 / 29.11.2016 1391