Депутат Бакир ўғли Қирғизистонда жума кунини якшанба ўрнига дам олиш куни деб эълон қилишни таклиф қилмоқда
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 
Қирғизистон Республикаси Жоқорғу Кенеш депутати Турсунбой Бакир ўғли якшанбани жумага ўзгартириб, уни «дам олиш куни» деб эълон қилишни таклиф қилмоқда. Қирғизистон Республикаси Меҳнат кодексига тегишли ўзгартиришлар киритишни назарда тутган қонун лойиҳаси Жоқорғу Кенеш сайтида жума куни эълон қилинди.
Қонун лойиҳасида дам олиш кунларидан бири бўлган якшанба кунининг жума куни билан алмаштирилиши кўзда тутилган. Депутатнинг таъкидлашича, Қирғизистон Республикаси Конституциясининг 32-моддаси 3-бандига кўра «Ҳар ким диний ва бошқа қарашларини эркин танлаш ёки уларга эга бўлишга ҳақли», 4-бандга кўра «Ҳеч ким ўзининг диний ёки бошқа қарашларини ифода этишга ёки улардан воз кечишга мажбурланиши мумкин эмас».«37-модданинг 1-бандига кўра эса, Қирғизистон Республикасида инсон ҳуқуқ ва эркинликларини камситмайдиган миллий урф-одатлар давлат томонидан қўллаб-қувватланади», дейди халқ вакили. Турсунбой Бакир ўғлининг таъкидлашича, Қирғизистон Республикасининг 85% аҳолиси Ислом динига мансуб бўлиб, улар кундалик ҳаётларида ўзларининг мусулмонлик бурчларини адо қиладилар. Унинг сўзларига қараганда: «Исломда бундай ибодатларнинг бири – Жумъа намозидир. Жума кунларида бу жамоат намози пешин вақтида ўқилади ва намозни адо қилиш учун ходимлар иш жойларини тарк этишга мажбурлар». Нима учун 70 йил давом этган атеистик жамиятдагидек шанба ва якшанба дам олиш кунлари ҳисобланиб келаётганига Турсунбой Бакир ўғли таажжубда. Депутатнинг сўзларига қараганда, Меҳнат кодексининг 112-моддаси талабларига кўра «Одатда, якшанба умумий дам олиш куни ҳисобланади. Аммо иқтисодиётнинг маълум соҳаларида ишлаб чиқаришнинг характерига қараб, жамоа шартномалари, жамоа битимлари ёки меҳнат шартномаларида дам олиш куни сифатида ҳафтанинг бошқа куни ҳам белгиланиши мумкин. Одатда, иккала дам олиш кунлари кетма-кет берилади». «Якшанба жумага кўчирилгандан кейин жума ва шанба умумий дам олиш кунлари деб белгиланади», дейди Турсунбой Бакир ўғли. Унинг фикрича, мазкур қонун лойиҳаси Қирғизистон Республикаси қонунчилигига зид эмас. Унинг қабул қилиниши ижтимоий, иқтисодий оқибатларга олиб келмайди ва республика бюджетидан қўшимча маблағлар ажратилишини талаб этмайди. Манба: www.mail.ru
Мавзуга оид мақолалар
Болалигимизда бирор нарсани талашсак, дадам ҳаммамизга ўша нарсани тақиқлаб қўяр эдилар. Масалан, телевизор кўришда ёки бирор ўйинчоқни ўйнашда талашиб қолсак, давоми...

12:10 / 08.11.2023 1276
embedhttpswww.youtube.comwatchv2YAfwGqopgembed

01:02 / 04.03.2017 5860
Ислом шариати инсон ҳаётини муҳофаза қилиш мақсадида инсоннинг соғлигини сақлаш борасида барча керакли чораларни кўрган. Инсон бахту саодати учун жорий бўлган, давоми...

10:15 / 13.12.2016 4585
Fийбатнинг луғатдаги маъноси бир нарсанинг кўздан тўсилишидир. Уламолар ғийбатни қуйидагича таърифлайдилар Журжоний айтади «Fийбат инсоннинг бор айб­ларини давоми...

02:17 / 10.11.2016 6749