Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ўзбекистонлик 21 ёшли Сардорбек Сайфутдинов V БутунУкраина Қорилар мусобақасида ғолиб бўлди. Украина оммавий ахборот агентликларининг хабарларига кўра, Сардорбек планшет, БутунУкраина Қорилар мусобақасининг фахрий ёрлиғи ва рус ва араб тилидаги Қуръони Карим билан тақдирланган.

С. Сайфутдинов Шевченко номидаги Луганск Миллий Университетининг ҳорижий тиллар факультети 3-босқич талабаси бўлиб, у араб ва инглиз тиллари ва адабиёти бўйича таҳсил олади.

Эслатиш жоизки, Ўзбекистон ва Украина ўртасида 1997 йилдан бери таълим бўйича ҳужжатлар расмий тан олинган. Барча Ўзбекистонда олинган дипломлар Украинада ва Украина дипломлари Ўзбекистонда расман ҳақиқий деб ҳисобланади. Бундан ташқари, Украина ҳукумати ҳар йили ўзбекистонлик талабалар учун 30 та стипендия ва тўлиқ пансионлар ажратади.

интернет материаллари асосида Муслима Робиъа тайёрлади.