Дунёмизга бир келиб-кетдингиз...
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Дунёмизга бир келиб-кетдингиз...

Устознинг вафотларига уч ҳафтадан ўтибдики, мазкур жумлалар тилимда айланади. Ҳа, у зот охиратларидан бизнинг дунёмизга бир келиб-кетдилар. Дунё ичра зоҳид яшадилар. Аллоҳ бошларидан сочган дунёга қиё ҳам боқмадилар. Охиратларидан биз томон бир фурсат ўгирилиб, айтадиганларини айтдилар ва ўргатадиганларини ўргатдилар. Ва яна охиратларига кетдилар. Бунга дунё шоҳид, тарих шоҳид, одамлар шоҳид...

Чорак асрлик у зотдан билганим шу бўлдики, дунёмиз учун қайғурмадилар, дунёмиздан сўз очмадилар, дунёмизни ўргатмадилар ва дунёмиздан мусофир янглиғ ўтдилар.. Эсимда, Мисрдаги қисқа муддатли учрашувимизда ўқишларимни суриштириб, «Ислом ҳазораси» китобини таржима қилишга буюрдилар. Яшашим, тирикчилигим ё бозор қаердалигини мендан сўрамадилар.

Эсимда, уйларида ишлаётган усталар ёнидан тасбеҳ ўгириб ўтаётганларида, улардан нима иш қилаётгани, нимани қандай қуриши ҳақида суриштирмадилар. Тасбеҳни хотиржам ўгирганларича, сокин ўтиб кетдилар. Қанчалик эслашга уринмайин, саноқсиз суҳбатларида дунё ҳақида, матоҳи хусусида бирор сўз деганлари ёдимга келмади. Фақат охират ва охиратга олиб борадиган ишлар ҳақида бўларди суҳбатлари.

Аллоҳ бундай зотлар ҳақида Ўз Каломида шундай дейди: «Бир кишиларки, уларни тижорат ҳам, олди-сотди ҳам Аллоҳнинг зикридан, намозни тўкис адо этишдан ва закот беришдан машғул қила олмас. Улар қалблар ва кўзлар изтиробга тушадиган кундан қўрқарлар»

 ( Нур сураси, 37-оят)

Буларни ёдга солиб ярангизни тирнашни мақсад қилмадим, тирнаганимда ўша мусибатзада кунлар қилардим буни. Ё шогирдлик даъвосида қўлга қалам тутмадим, чунки бу даъво учун одамда ҳуқуқ бўлиши керак. Зеро, дунё учун куйиб-ёниб ётган одам, охират кишисига шогирд бўлолмайди. Илло тилимда айланаётган ушбу сўзлар, аввало, ўзимга, кейин сизга бир эслатма ва ибрат бўлармикин деган умид бор. Дунёда қандай яшашни ўргатиб кетган зотдан ўрнак олишга илинж бор. Дунёмизга бир келиб-кетдингиз...

Мубашшир Аҳмад

Мавзуга оид мақолалар
Интернетга қарашга юрагинг бетламайди. Ҳар саҳифада у зотнинг номи зикр қилинган, ҳар саҳифада у зотнинг сиймоси. Кўксингга яна ўша аччиқ нарса келиб тиқилади. У давоми...

19:06 / 02.02.2017 3025
Никоҳ ҳақида Қуръони Каримда шундай келтирилган ٣٢ Ўз ораларингиздаги тул эркак ва аёлларни ҳамда қул ва чўриларингиздан яроқлиларини давоми...

02:14 / 02.04.2018 1091
Аллоҳнинг Ўзига ҳамдлар бўлсин Ортларидан Набий йўқ Зотга салавотлар бўлсин Ислом Фиқҳи Академияси Маккаи Мукаррамада, Робитанинг биносида, 1410 ҳижрий санада 1522 давоми...

07:42 / 04.12.2016 1973
Ушбу сатрлар қаҳрамони Увайс ал Қароний розияллоҳу анҳу яманлик солиҳ киши бўлганлар. У киши Расулуллоҳ соллаллоҳу алайҳи васалламга у Зотнинг ҳаётликларида давоми...

06:51 / 17.01.2017 2120