Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ўн етти йил олдин Исломни қабул қилган украиналик Вера (Иймон) Вириндак 35 ёшида Қуръони каримни тўлиқ ёд олиб, Қуръон қорияси бўлди.

У бошида «Қуръоннинг ярмини ёдлаш ҳам катта муваффақият бўлади, деб ўйлаганини, сабаби араб тилидаги ҳарфларни махражидан (талаффуз ўрни) чиқариш унга қийинчилик туғдирганини» айтади.

Лекин вақти тиғизлигига қарамасдан, узоқ вақт машаққат билан ҳаракат қилиб, охири ўз мақсадига эришди. Украинанинг туб аҳолиси ичидан мусулмон бўлиб, Қуръонни тўлиқ ёдлаган биринчи қория бўлди.

Иймон Қуръони Каримни қандай ёдлагани ҳақида сўзлар экан шундай дейди: «Хўжайиним менга ёрдам берардилар. Мени янада шижоатлантириш учун бир оятни менга қайта-қайта такрор қилдирар эдилар. Шунга қарамай, ўқиётганларимни яхши тушунмаганим ва араб ҳарфларининг талаффузи қийин бўлгани учун, қийинчилик билан ёдлар эдим.

Араб тилини ўрганишни бошладим. Тушуниб ёдлашим учун оятларни ёзиб, маъноларини таржима қилар эдим. Бунга жуда кўп вақт керак бўлар, вақтим эса жудаям оз эди. Хусусан, мен университетда ўқирдим, сўнгра ишга кирдим, сўнгра турмушга чиқдим, сўнг она бўлдим...

Араб тилини ўрганганим фойда қилди. Тез тушуниб, тез ёдлай бошладим. Кейинчалик, Исломий марказ менга Қуръон ёдлаш хусусида ўз кўрсатмаларини берди. Уларнинг кўрсатмалари билан 9 ойда Қуръоннинг қолган қисмини ёдлаб тугатдим».

Иймоннинг оиласи насроний католик бўлишига қарамай, Иймондан таъсирланиб, унинг укаси, онаси ва бешта синглиси бирваракайига Исломни қабул қилишган.

«Мадина Садоси» таржима қилди.

Манба: http://www.aljazeera.net/…/إيمان-أول-أوكرانية-تحفظ-القرآن-ا…