Исломда ҳомиладорлик хусусидаги ҳукмлар ва тиб илми
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Исломда ҳомиладорлик хусусидаги ҳукмлар ва тиб илми

Савол: Бугунги тиббиётга кўра ҳомила тўрт, беш, олтинчи ҳафталардаёқ шакллана бошлайди. «Ҳужайрадан инсонга» номли китобнинг 28, 29, 31-саҳифаларида шундай дейилмоқда. Ҳомиланинг бўйи тўртинчи ҳафта охирида беш миллиметрга етади, кўз ва қулоқлари ўрни билинади. Бош ва бўйин қисми тана узунлигининг ярмини ташкил этади. Юрак, ҳазм йўли, меъда ва жигар ва тана пайлари шакллана бошлайди. Бешинчи ҳафтада вужуди бир сантиметрга етади. Боши пастга эгилиб, кўксини беркитади. Қўл ва оёқлар, болдирлар ҳали шаклланмаган бўлади. Юқорида айтилган ва китобдаги расмларга кўра ҳомила тўрт, беш ва олтинчи ҳафталарда шакллана бошлайди. Ҳолбуки, Пайғамбаримиз соллаллоҳу алайҳи васаллам шундай марҳамат қилмоқдалар: «Шубҳасиз, ҳар бирингиз она раҳми (бачадони)да нутфа ҳолида 40 кун йиғиласиз, сўнг (нутфа) яна шундай 40 кун қон лахтаси бўлади. Сўнгра яна 40 кун эт парчаси бўлади. Шундан сўнг фаришта юборилиб, унга руҳ пуфланади». Яъни «Ҳужайрадан инсонга» китобидан англашилмоқдаки, 40 кун ичида ҳомила шакллана бошлайди. Яъни ҳомила танаси, вужудида баъзи аъзолари маълум бўла бошлайди. 120 кундан сўн унга руҳ пуфланади. Ҳадиси Набавий билан тиббиёт қараши орасида қарама-қаршилик йўқми?

Жавоб: Бугунги тиббиёт билан Пайғамбаримиз соллаллоҳу алайҳи васаллам ҳадиси шарифи орасида қарама-қаршилик йўқ. Чунки ҳадиси Набавийя ифода этурки, ҳомила эт парчаси ҳолига келгач, вужуд ва аъзолари билинадиган (таъбир жоиз бўлса, кўз билан кўринадиган) даражада шакллантирилади. Ва бу шакллантириш очиқ-ойдиндир, аниқдир. «Ҳужайрадан инсонга» номли китоб эса ҳомиланинг нутфа ҳолидаги пайтида яширин ва аниқ бўлмаган шаклланишидан сўз очмоқда. Пайғамбаримиз соллаллоҳу алайҳи васаллам ҳадиси тиббиёт аниқлаган шаклланишни инкор этмаяпти. Айни вақтда тасдиқлаяпти. Ҳатто ибни Ҳожар ҳомиланинг нутфа ҳолида шаклланишини очиқча изоҳлайди: «Жаноби Ҳақ биринчи 40 куннинг охирида бир фаришта юборади. Қон лахтага айланган бир пайтда нуфтани ёриқ ҳолда шакллантиради. Эт парчасига айлангач, Аллоҳ иккинчи марта фариштани вазифалантириб, уни очиқ ҳолда шакллантиради». Тушган ҳомиланинг қўл-оёқ, бармоқ, тирноқ ва соч каби баъзи аъзолари аниқ бўлса, бола ҳукмидадир. Ҳомила аъзолари фақат 120 кундан сўнг маълум бўлади. Аёл шу муддатдан бошлаб нифослик ҳисобланади. Ҳомила аъзолари маълум бўлишидан мақсад, ҳомилага руҳ берилишидир. Бу ҳам 120 кундан сўнг бўлади.

 
Мавзуга оид мақолалар
Бундан бир неча йил аввал бир масжид имоми яшаш учун Лондон шаҳрига кўчиб келди. Уйидан шаҳарга чиққанда у, асосан, автобусдан фойдаланарди. Кўчиб келганидан кейин давоми...

05:25 / 23.12.2016 997
Мактуб Тун зорланган ҳолда менга нидо қилаётган эди гўё Унинг бу ноласи ҳаёт устунингнинг бир ғишти кўчди, деб айтаёгандек. Мудраган кечанинг уйғониш олдидан давоми...

00:10 / 07.12.2017 807
Суннатда келган мева юрак хуружи ва инсультдан ҳимоя   Пайғамбаримиз Муҳаммад соллаллоҳу алайҳи васалламнинг суннатларида кўп бора қайд қилинган зайтун ёғининг давоми...

04:18 / 11.10.2018 863
31 март куни Рисолат мусулмонлар маҳаллий диний жамиятининг Диний ҳамжиҳатлик ва халқлар дўстлиги лойиҳаси доирасида Ўзбекистон куни бўлиб ўтди. Бу ҳақда Марьям давоми...

07:12 / 02.04.2019 328