Британиянинг Channel – 4 телеканали мусулмонлар учун муқаддас бўлган Рамазон ойида Бомдод намози азонини трансляция қилмоқчи деб ёзади The Guardian. Уч дақиқа давом этадиган азон трансляцияси 9 июлдан бошлаб, ҳар куни соат 3:00да бошланади. Бундан ташқари, Channel – 4 рамазоннинг илк кунида кун давомида ўз намойишларини 4 маротаба узади ва бу вақтда 20 сония давом этадиган роликларни тақдим этади. Роликлар намоз вақти яқинлашаётганлигини эслатади. Қолган кунларда бомдоддан бошқа намозларнинг азони фақат телеканал сайтида намойиш этилади. Эрталабки азон трансляциясидан аввал ҳар куни «Рамазон ҳақида ўйлар» қисқа метражли фильм намойиши мўлжалланган. Телеканал вакили Ральф Лининг айтишича, Channel – 4   диний озчиликка кўрсатилаётган бу эътибори учун танқидларга учраши аниқ. Британия мусулмонлар кенгаши Channel – 4 нинг қарорини қўллаб-қувватламоқда!