Биз кимларга эргашмоқдамиз!
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Азиз опа-сингилларим!
Дунё аҳли молу дунё тўплаш ғами билан юрганда, ўзларини бу фитналар уммонига отмасдан вақтларини дунё ва охират саодати йўлида сарфлашга интилган муслималар! Фисқу фужур майдонлари тобора ортиб, номуссиз аёллар баданларини кўз-кўз қилаётган бир замонда охират оташидан қўрқиб, иффатларини ҳимоя қилиб келаётган азизларим! Бугун бир ҳақиқатни етказишни зиммамизда деб билдик. Ахборот технологиялар тараққий этган асрда яшаяпмиз. Бу Аллоҳнинг бизга берган неъматидир. Оддий бир уяли телефон узоқдаги яқинларимизни биз билан боғлайди. Компьютер орқали интернет тармоғига уланиб, керакли маълумотларга эга бўламиз. Албатта, бу ашёлар керакли ўринларда фойдаланилса. Акси бўлса-чи? Кейинги вақтларда алоқа воситалари орқали зарарли, ҳатто ширк амалларига тарғиб кучаймоқда. Ҳар хил мактублар, смс хабарлар жўнатиш орқали халқни адаштириш ортиб бормоқда. Сиртдан қараганда бу яхшидек туюлиши мумкин. Баъзи хабар ичида диний мавзулар ҳам бор. Аммо хатлар сўнгида бунча кишига жўнат, фалон кундан сўнг бундай бўласан, дейилган. Бу каби башоратларни ўқиб, эсанкираб қоласан. Булар қаердан чиқиб келяпти? Буни туппа-тузук мусулмонлар тарқатиб юрганига нима дейсиз? Аллоҳ таоло деди: «Ким ҳидоят аниқ бўлгандан сўнг Пайғамбарга хилоф иш қилса ва мўминларнинг йўлидан бошқа йўлларга эргашиб кетса, биз уни кетганича қўйиб берамиз ва жаҳаннамга доҳил қиламиз, у нақадар ёмон жойдир!» (Нисо, 115). Ва яна: «Энг аввалда яшаб ўтган муҳожирлар, ансорлар ва уларга яхшилик билан эргашган кишилардан Аллоҳ рози бўлди, улар ҳам Ундан рози бўлдилар ва уларга мангу қоладиган, остларидан дарёлар оқиб турадиган боғларни тайёрлаб қўйди. Мана шу буюк саодатдир». (Тавба, 111) Бу оятлар буюк Роббимиз тарафидандир. Бу уммат кимларга эргашмоқда? Бошқа диндагиларгами? Ёки ҳақ дин билан келган Пайғамбар алайҳиссаломгами? Пайғамбаримиз бу каби ишларга тарғиб қилдиларми? Ёки уларда бу иш содир бўлдими?  — Йўқ. Саҳобалардан-чи? — Йўқ. Тобеин ва табатобеинлардан-чи? — Йўқ. Унда биз қаердан ўргандик? Улар ҳам яхши маънодаги мактубларни жўнатар эдилар. Қолганларга ҳам шу нарсани етказинг, дейишарди. Аммо уларнинг мактублари фитна хабарлар эмасди. Мақсадлари Аллоҳнинг бирлигига даъват, Аллоҳнинг шариатини ер узра ёйиш эди. Улар бунчага юбор, сенга бунча хабар келади, дейишдими? Шундоқ қилиш керак бўлганда, жоиз бўлганда эди, улар уяли телефон бўлмаса-да, мактублар орқали қилишарди. Мақсадингиз амри маъруф ва наҳий мункар бўлса, фақат ҳақ сўзлар ва саҳиҳ ҳадислардан фойдаланинг. Аммо ортидан башорат сўзларингизни қўшманг. Ғайбга қизиқманг. У Аллоҳга хосдир. Ғарбликларга тақлид қилманг. Валлоҳу Аълам.....
Дилором
Мавзуга оид мақолалар
gallery linkfile ids8868,8869,8870,8871,8872,8873,8874,8875,8876,8877,8878,8879,8880,8881,8882 Алҳамдулиллаҳ, раҳмат, мағфират ва дўзахдан нажот ойи бўлмиш муборак моҳи Рамазон Ислом оламига ўзининг давоми...

06:02 / 10.02.2017 2905
Бугун 2 апрел 2019 йилда «Шайх Зайниддин» Кўкча масжидида имконияти чекланган фуқаролар ўртасида Асмаул ҳусна, яъни Аллоҳ таолонинг гўзал исму сифатларини ёддан давоми...

00:39 / 02.04.2019 633
3 Йиллар камолотга етказди уни, Тоблади синовда улкан бу ҳаёт. Илму таҳсил билан машғул кунтуни, Донолар айтгандек илмда нажот   Бир лаҳзани зое давоми...

21:09 / 08.02.2017 2144
Бисмиллаҳир роҳманир роҳим Барча Оламлар Роббиси бўлган Аллоҳ таъолога ҳамду санолар, Пайғамбаримиз, У Зотнинг оиласи, барча саҳобаларига салавоту саломлар давоми...

22:51 / 09.02.2017 3546