Меҳр-муҳаббат борасида аёл эркакка нисбатан пешқадамдир
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Одам Ато билан Момо Ҳаво яратилгач, Одамдан: “Ҳавони севасанми?” деб сўралибди. Шунда у дарров: “Ҳа”, деб жавоб берибди. Момо Ҳаводан сўралган экан, у: “Йўқ”, дебди. Аммо юрагидаги муҳаббат Одам Атоникига қараганда бир неча баробар ортиқ экан.

Аллоҳ таолонинг иродаси ва ҳикмати ила икковлари ер юзига индирилиб, бир неча кун бир-бирларини қидириб топишишгач, Одам Ҳавога: “Қаерларда эдинг? Мен сени кундузлари қидирдим”, дебди. Шунда Ҳаво: “Мен эса сизни кундузлари ҳам, кечалари ҳам қидирдим”, деган экан.

Шундан хулоса қилиб айтамизки, меҳр-муҳаббат борасида аёл эркакка нисбатан пешқадамдир. Бу эса аёлга хос хусусият ва шу билан бирга, мислсиз фазилатдир.

Суъад Фотиҳ аёлларга насиҳат қила туриб: “Азизаларим, жуфти ҳалолларингизни севинг, севишдан малолланманг, севишдан уялманг, севишингизни яширманг! Жуфтингизнинг хизматини муҳаббат билан бажаринг, уларга меҳр билан таом ҳозирланг, усти-бошларини меҳр билан ювинг. Ҳар бир сўзингизу ҳар бир амалингиздан муҳаббатингиз кўриниб турсин. Севинг, севинг ва севишдан чарчаманг”, деган эди.

Ҳа, аёллар, сиз меҳр-муҳаббат манбаисиз!  Аллоҳ таоло сизга инъом этган кўксингиздаги бебаҳо жавҳарни тараддудсиз ишга солинг, беҳисоб ажрга эга бўлурсиз, иншааллоҳ.


Одинахон Муҳаммад Содиқ

Муаллиф
Мавзуга оид мақолалар
ҳикоя Автобусни кутишга сабрим етмай, такси тўхтатдим. Ҳайдовчи бошоёғимга бир қараб олдида Неча пул давоми...

21:00 / 03.01.2020 3770
embedhttpswww.youtube.comwatchv7CDx0bsOzMfeatureyoutu.beembed

01:03 / 10.09.2015 9365
Закотни олувчи Қуръонда зикр қилинган саккиз синфдан бири бўлиши лозим. Унинг зиммасида бир неча вазифа давоми...

15:43 / 09.03.2017 4264
1 декабрь куни «muslimaat.uz» сайтида эълон қилинган «Аёл кишининг оиладаги ўрни», «Аллоҳнинг чақириғига давоми...

10:04 / 27.01.2017 5078