Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Сафар давомида Россияда ҳам лойиҳа доирасида фаолият олиб бораётганлар билан "Мутахассислар тайёрлаш" ва "Илмий фаолият" йўналишларида бир қанча шартномалар имзоланди.
Хусусан, "Мутахассислар тайёрлаш" йўналишида ҳазрат Шайх Муҳаммад Содиқ Муҳаммад Юсуф номидаги мадраса таъсисчиси Сергей Зязин, психология соҳаси бўйича Зейнеб Баирова, "Илмий фаолият" йўналишидан эса психология соҳасидаги илмий ишларида ҳазратнинг асарларидан кўп бора фойдаланган Марям Бариева, "Тафсири ҳилол"нинг русча нашри устида иш олиб борган юртдошимиз Мавжуда Шамсуддинова билан шартномалар имзоланди.
Бундан ташқари Доғистон ва Россиянинг Тюмен вилоятидан ҳам лойиҳамизга қизиқиш билдирганлар бўлиб, улар билан ҳамкорлик келишувлари ҳақида гаплашилди. Муайян фаолиятлар амалга оширилгач, шартнома имзоланиб аъзоликка қабул қилиш режалаштирилди.
Оиша Ҳусанова,
Москва
