Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Эр-хотинларга! Аёлингиз уйда нега бақиради?
Кўп эркаклар аёллари уйда баланд овозда бақиришларидан шикоят қилишади. Бироқ билишмайдики, бу бақириқлар қалбда яшириниб ётган туйғуларнинг акс садоси бўлади.
Аёл кишининг бақиришига одатда қуйидагилар сабаб бўлади:
- Елкасидаги масъулиятлардан сиқилиб кетади.
- Суюкли эр, одобли, салоҳиятли фарзандлар, озода хонадон, ишларида муваффақият кутаётган бўлади.
- Туйғусизликдан қийналаётган бўлади.
- Эътиборсиз ташлаб қўйилгани учун сиқилади.
- Гормонал ўзгаришларни ўтказаётган бўлади.
- Кўнгли чўккан бўлади, сиз у билан бахтли эканингизни, у сизга кифоя қилишини билдирмаган бўласиз.
- “Бугун кунинг қандай ўтди?” деб сўрамаган бўласиз. Биласизми, бу савол барча чарчоқларни чиқариб юборади. Қалбига хотиржамлик ва сакинат олиб киради. Тиним билмай узоқ муддат уйда ўтириш баъзида аёлни сиқиб қўяди.
Сиз эса бу ҳолатга тушишига йўл қўймаслигингиз керак. Кўнгилини очадиган, кутилмаган бирон нима қилинг. Ҳадя улашинг. Ҳадя муҳаббатни зиёда қилиши билан бир қаторда руҳни озиқлантиришга ҳам хизмат қилади. Натижада сизга ва фарзандларингизга меҳр беради. Фақат унинг ўрни борлигини билдириб қўйсангиз бас. Яхши сўзлар билан қалбини очинг. “Жонинг соғ бўлсин. Бизни деб кўп заҳмат чекаяпсан. Аллоҳим сени кўп мукофотласин!” Бундай жумлалар айтишингиз оддийгина кўринса-да, бироқ аёл кишига рағбат бағишлайди. Ҳаётида давом этишига ундайди.
Аллоҳ барчангизни икки дунёда бахтга эриштирсин.
Шайх Юсуф Хаттор Муҳаммад.
«Оила — саодат маскани».
