Қаноатли инсонлар уларга тақдир қилган озгина нарсага қаноат қиладилар. Қолганлар ҳам улар каби неъматга эришишлари учун ўзларини тиядилар.
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Табарий ўзининг тарих китобида ривоят қилади:


"Умар ибн Абдулазиз халифалик даврида бир кишига саккиз дирҳамга бир кўйлак сотиб олишни буюрди. У киши кўйлакни сотиб олди ва уни халифага олиб келди. Умар кўйлакни қўли билан ушлаб кўрди ва: “Қанчалар мулойим ва гўзал!” деди. Кўйлакни олиб келган киши табассум қилди. Умар ундан нима учун табассум қилгани ҳақида сўради. У киши: “Эй мўминлар амири, сиз халифа бўлишингиздан олдин менга бир жунли ёпинчиқ сотиб олишни буюрган эдингиз. Мен уни минг дирҳамга сотиб олган эдим. Уни ҳам қўлингиз билан ушлаб: “Қанчалар дағал!” деган эдингиз. Бугун эса, саккиз дирҳамлик кўйлак билан ўзингизни овутаяпсиз!” деди. Умар: “Бир кўйлакни минг дирҳамга савдо қилган одамни Аллоҳдан қўрқади деб ҳисобламайман. Шуни билки, менинг нафсим юксаклик сари интилади. Бир мақомга эришсам, ундан юқорисини талаб қиламан. Амирликка эришдим, халифаликка интилдим. Халифаликка эришдим, энди нафсим ундан ҳам каттасига интилмоқда. У Жаннат!” деди".


Қаноатли инсонлар уларга тақдир қилган озгина нарсага қаноат қиладилар. Қолганлар ҳам улар каби неъматга эришишлари учун ўзларини тиядилар.



Доктор Ҳассон Шамсийнинг  "Бахт улашинг" китобидан

Раҳматуллоҳ Махсумхонов  таржимаси



Мавзуга оид мақолалар
Иқтисод исроф қилиш ва зиқналик ўртасидаги меъёр бўлиб, инсон ўзидан бой киши билан пулни сарфлашда давоми...

17:30 / 03.02.2022 2489
Қизим, фарзандингга Aбу Бакрни танит Молини, жонини фидо қилаётганда, бир лаҳзалик тараддудни муҳаббатга давоми...

03:00 / 12.02.2022 3060
Исломий оила ҳаётининг расмий котибаси Ҳазрати ОишаҲазрати Оиша онамиз Пайғамбар соллаллоҳу алайҳи давоми...

04:00 / 12.11.2021 3181
Мўмин кишининг бахти инсон ўз Яратувчсисига боғланиши, унга бўлган муҳаббати ва унинг розилиги йўлида фидо давоми...

16:15 / 10.10.2021 1873