Абу Ҳанифа раҳматуллоҳи алайҳнинг парҳезкорлиги
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Абу Ҳанифа раҳматуллоҳи алайҳдан ривоят қилинди: "Бағдодда бир киши Абу Ҳанифа раҳматуллоҳи алайҳдан қарздор экан. Шогирдлари билан ўша кишининг уйига боришди. Ўша пайтда куннинг ўртаси, иссиқ айни қизиган вақт эди. Қарзи бор кишининг эшигини тақиллатди ва эшикнинг устида иссиқдан сақлайдиган айвон бўлгани туфайли эшикдан узоқлашди. Шу пайт бир шогирди: “Нима учун айвондан узоқлашдик ва қуёшда турибмиз?” деди. Абу Ҳанифа: “Бу айвон эгасининг қарзи бор. Бизнинг айвон остида туришимиз ўша қарздан фойдаланиш бўлиб қолади. Бунда рибо шубҳаси бор!” деб жавоб берди".


Бир бой киши масжиддан тасбеҳ ўгирган ҳолда чиқди. Бир тиланчи ундан садақа сўради. Бой унга эътибор бермади. Озгинадан сўнг тиланчига ҳеч нарса бермаганини эслаб қолди. Тиланчига садақа бериш учун қайтиб уни қидирди. Уни бир бўлак нон еб ўтирган ҳолда топди. Бой ундан узр сўради ва садақа берди. Тиланчи садақани рад этди ва: “Ҳозир Раббим менга берди, агар муҳтож бўлсам сўрайман”, деди.


Халифа Ҳишом ибн Абдулмалик Каъба олдида Солим ибн Абдуллоҳ ибн Умар розияллоҳу анҳуга: “Бирор ҳожатинг бўлса, сўра!” деди. Солим: “Қасамки, Аллоҳнинг байтида Ундан бошқадан бирор нарса сўрашга уяламан”, деди. Масжиддан чиққач Ҳишом: “Энди Аллоҳнинг байтидан чиқдинг, сўра!” деди. Солим: “Дунё ҳожатлариданми ёки охират ҳожатларидан?” деб сўради. Ҳишом: “Дунё ҳожатларидан”, деди. Солим: “Дунё ҳожатини ўз эгасидан сўрамадим, қандай қилиб эгаси бўлмаган кишидан сўрайман”, деди.


Доктор Ҳассон Шамсийнинг  "Бахт улашинг" китобидан

Раҳматуллоҳ Махсумхонов  таржимаси

Мавзуга оид мақолалар
Болалар Улубатли Ҳасан турк қаҳрамони бўлишни қанчалар севадилар. Уни таниб олганларидан сўнг, на Ўргимчак одамни, на Бетменни қаҳрамон деб қабул қилмайдилар. давоми...

21:00 / 28.02.2022 4873
Тарихдан маълумки, Саъд ибн Абу Ваққос разияллоҳу анҳунинг кўзлари кўр бўлиб қолибди. У зотнинг дуолари қабул бўладиган киши эдилар. Инсонлар у зотнинг олдиларига давоми...

11:15 / 16.11.2021 2586
Масжидга меҳр қўйган ва катталарнинг меҳрини қозонган болаларБолалар билан фақат уларнинг тилини билганларгина чиқиша олади. Шу сабабли бола одамлар фақат пул давоми...

21:50 / 10.02.2021 2550
Аёлингизни эътибор билан тингланг. Бу нарса ундаги ғам ва ташвишларни кетказишга хизмат қилади, безовталик ва ёлғондан узоқ қилади. Лекин баъзи аёллар борки, уни давоми...

21:44 / 12.03.2022 12003