Агар нафс тор бўлса, бутун ҳаёт тор бўлади
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Мўмин кишининг юраги ва бутун оламни сиғдирган қалбидан кенг нарса йўқ. Шунингдек, худосиз, Аллоҳ таоло ва охират куни ҳақида шубҳага борган кишининг қалбидан тор нарса йўқ. Аллоҳ таоло айтади: “Ким ҳидоятимга эргашса, адашмас ва бадбахт бўлмас. Ким Менинг зикримдан юз ўгирса, албатта, унга торчилик ҳаёти бўлур” (Тоҳа сураси, 123 – 124-оятлар). Агар Аллоҳ таолонинг ҳидоятидан юз ўгирган баъзи кимсаларни моддий тўкин ҳаёт, ҳиссий неъматлар ичида яшаётганини кўриб қолсангиз, бу нарсалар уларнинг ҳақиқий аҳволидан алдаб қўймасин. Зеро, ҳақиқий торлик уларнинг нафсларида. Агар нафс тор бўлса, бутун ҳаёт тор бўлади. Агар нафс кенг бўлса, ҳаёт ҳам кенг бўлади.

Мўмин киши мушкул ҳолат ва қийин кунда Раббисига илтижо қилиб, олдин Муҳаммад соллаллоҳу алайҳи васаллам ўқиган ушбу дуони ўқиса, қандай хотиржамликни ҳис қилар экан: “Аллоҳим, етти қават осмон Парвардигори, улуғ Аршнинг Парвардигори, бизнинг ва барча нарсанинг Парвардигори, дон ва данакни ёрувчи Зот, Таврот, Инжил ва Қуръонни нозил қилган Зот, Сен пешонасидан тутган барча жонзотнинг ёмонлигидан паноҳ сўрайман. Сен Аввалсан, Сендан олдин ҳеч нарса бўлмаган. Сен Охирсан, Сендан кейин ҳеч нарса бўлмайди. Сен Зоҳирсан, Сенинг устингда ҳеч нарса йўқ. Сен Ботинсан, Сендан бошқа ҳеч нарса йўқ. Менинг қарзимни адо эт ва фақирликдан беҳожат қил!”


Доктор Ҳассон Шамсийнинг  "Бахт улашинг" китобидан

Раҳматуллоҳ Махсумхонов  таржимаси


Мавзуга оид мақолалар
Қизим, сен фарзандларингга Ҳамза розияллоҳу анҳу ҳақларида сўзлаб бер. Улар ҳақида кўп гапириб бер, токи куфрга кетган мутаассиблар мўминларнинг ўз кўксиларида давоми...

21:00 / 14.02.2022 3837
Масжиддан мадрасагача, тижоратдан экинтикингача, намоздан рўзагача, жиҳоддан зикргача мўмин ўлароқ нима иш қилсак, ҳар бирида ягона мақсадимиз Аллоҳ ризосидир. давоми...

20:00 / 03.08.2020 3370
Кўп кишилар Аллоҳ таолонинг бизга берган энг катта ва муҳим неъмати бу молу дунё неъмати деб ўйлайди. Агар фикр юритиб кўрсак, Аллоҳ таолонинг неъматлари ҳисобсиз. давоми...

11:06 / 23.12.2021 1447
Аллоҳ таоло солиҳ амал қилган ва қалби Аллоҳ ва Унинг расулига бўлган иймонга тўла бўлган кишини дунёда яхши ҳаётда қилиб қўйишини, охиратда эса, амалидан ҳам давоми...

11:00 / 17.12.2021 2061