Сизни тинглаган, ишонч билдирган кишини алдаш хиёнатдир
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Сизни тинглаган, ишонч билдирган кишини алдаш хиёнатдир


Ёлғончилик жуда ёмон хулқ, у инсонни дўст¬ларидан узоқлаштиради. Ислом динида истисноли ўринлардан бошқа пайтда ёлғон гапиришга мутлақо рухсат берилмаган. Пайғамбаримиз  алайҳиссалом  одамларни кулдириш мақсадида ёлғон гапиришдан ҳам қайтарганлар: “Гапириб қавмни кулдириш учун ёлғон гапирадиган кимсага ҳалокат бўлсин, ҳалокат бўлсин, ҳалокат бўлсин...” (Имом Абу Довуд, Термизий, Насоий ривояти). Бошқа бир ҳадисларида: “Банда ростгўй бўлса ҳам, мазах ва жанжалда ҳам ёлғонни тарк қилмагунича комил мўмин бўлолмайди”, деганлар (Имом Аҳмад, Табароний).

Абдурраҳмон ибн Абу Лайлодан ривоят қилинади. Саҳобалар бизга гапириб беришди: “Улар Набий  билан йўлга чиққанларида, йўлда бир киши ухлаб қолди. Бошқалар ухлаб қолган кишининг арқонини (ҳазиллашиб) олиб қўйишганида, у қўрқиб кетди. Шунда Расулулллоҳ алайҳиссалом: “Мусулмонга мусулмонни қўрқитиш ҳалол эмас”, дедилар” (Имом Абу Довуд).

Абдуллоҳ ибн Соиб ибн Язиддан ривоят килади. Расулуллоҳ алайҳиссалом: “Ҳеч бирингиз биродарининг буюмини ҳазиллашиб ҳам, чиндан ҳам олиб қўймасин”, деганлар (Имом Термизий ривояти).


Кўпинча ҳазиллар, ёлғонлар сабабли кўнгил¬хиралик юз бериб, ҳатто оилалар ўртасига совуқ-чилик тушиши мумкин. Бундай иллатлардан йироқ бўлайлик.


Қудратуллоҳ Сиддиқметов,

Кўкалдош мадрасаси мударриси

t.me/muslimaatuz

Мавзуга оид мақолалар
Бисмиллаҳир Роҳманир Роҳим «Етимларни то никоҳёшига етгунларича синаб туринглар. Агар уларнинг эсҳуши жойида эканини билсангиз, уларга ўз молларини топширинг. У давоми...

00:26 / 29.11.2016 1648
Мавлид.  Расулуллоҳ  соллалоҳу алайҳи васалламнинг бир нечта исмлари бўлиб, уларнинг биринчиси ва энг машҳури Муҳаммад соллаллоҳу алайҳи васаллам.         давоми...

01:27 / 21.11.2017 964
Сувли муолажалар билан ҳам кўпгина касалликларни даволаш мумкин. Фақат инсоннинг ўзида бунга озгина ихлос ва ишонч бўлиши керак. Сувли муолажаларга қуйидагилар давоми...

19:20 / 29.12.2016 2502
Савол Пайғамбаримизнинг сочлари қандай тузилишда эди          Жавоб Пайғамбаримизнинг ҳаётлари давомида муборак сочлари узун бўлган. Баъзан икки давоми...

22:01 / 06.12.2017 802