Отинойиларимиз учун ўқув семинари бўлиб ўтди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

2020 йил  7  декабрь куни  Жиззах шаҳрида вилоятда фаолият олиб бораётган отинойилар учун ўқув семинари бўлиб ўтди.  Семинар Ўзбекистон Халқаро Ислом Академияси ҳузуридаги Малака ошириш маркази билан ҳамкорликда уюштирилди.  Вилоят бўйича ўтказилган мазкур семинарда 41 нафар отинойиларимиз иштирок этдилар.

Унда Ўзбекистон мусулмонлар идорасининг Жиззах вилоят вакили хотин-қизлар масалалари бўйича ўринбосари Фарида Сатторова («Аёллар ва ёшларни турли ёт ғоялардан химоя қилишда отинойиларнинг ўрни» мавзусида), ЖДПИ доценти, тарих фанларини ўқитиш кафедраси мудири Ф.Тошбоев _(«Аёлларга хос фиқҳий масалалар» мавзусида), вилоят вакиллигининг мухтасиби М. Ҳошимжонов («Бидъат-хурофотлар ва фолбинликнинг салбий оқибатлари» мавзусида),  Ўзбекистон мусулмонлар идораси вилоят вакилининг ўринбосари Б.Рўзиев («Қирқ фарз баёни» мавзусида)  сўзга чиқдилар. Уларнинг маърузалари асосида машғулот дарслари бўлиб ўтди. Ҳар бир машғулот дарслари бўйича сўзга чиққан  мутахассислар мавзу юзасидан батафсил тушунчалар бердилар, отинойиларни қизиқтирган саволларга мисоллар асосида жавоб беришди.

Семинар сўнгида Жиззах шаҳар бош отинойиси А.Мамаюнусова, Ш.Рашидов,  туман бош отинойиси С.Абдулаҳадова ўқув машғулотлари ҳақида ўз фикр-мулоҳазаларини билдиришди.  Шунингдек, улар бундай ўқув семинарлари ўз фаолиятлари давомида муҳим ўрин тутишини таъкидлаб ўтишди. Тадбирга ташриф буюрган отинойиларнинг барчалари бундай ўқув семинарлари тез-тез бўлиб туриши керак, деган таклифни қўллаб-қувватлашди.

Биз ҳам мутахассисларимиз томонидан ўтказилган бундай ўқув машғулотлари келгусида отинойиларимиз фаолиятида муҳим ўрин тутади, деган умиддамиз.

Ирода Эргашева,

muslimaat.uz сайтининг  Жиззах вилояти вакиласи

Мавзуга оид мақолалар
Кеча 10 декабрь куни Шайх Муҳаммад Содиқ Муҳаммад Юсуфrdquo жомеъ масжидида Тошкент шаҳрида фаолият олиб бораётган отинойиларимиз учун бир кунлик ўқув семинари давоми...

13:20 / 11.12.2020 1860
Америкалик муслима сиёсатчи Нида Aллам округ комиссарлиги учун аёллар кенгашидаги ҳамкасблари билан қасамёд қилди.26 ёшли Нида Аллам АҚШнинг Шимолий Каролина давоми...

15:50 / 16.12.2020 1108
Саудия Aрабистони пойтахти АрРиёдда Бахтrdquo музейи очилди. Ушбу музей ўз меҳмонлари учун жуда ҳам қизиқарли манзил ҳисобланади. Майдони 1300 квадрат метр бўлган бу давоми...

11:28 / 25.09.2020 2128
Канаданинг Онтарио шаҳрида 25 октябрь куни Шимолий Америкадаги энг йирик мусулмонлар фестивали MuslimFest бўлиб ўтади. Жанубийғарбий Онтарио Ислом марказининг дин давоми...

17:32 / 23.10.2020 1319