Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Америка Қўшма Штатлардаги мусулмонлар жамоаси Миннатдорчилик кунини нишонлаш  арафасида кўплаб муҳтож америкаликларга моддий ёрдам бердилар.

Вашингтон штатидаги Пьюджет-Саунд шаҳрида маҳаллий мусулмонлар нотижорат ташкилоти бу байрамда моддий кўмакка муҳтож одамларга бепул озиқ-овқатлар ва кийим-кечаклар: иссиқ кўрпалар, куртка, пойабзал тарқатдилар.

Нью-Жерси штатида эса Америка мусулмонлари уюшмаси маҳаллий полиция бўлими билан биргаликда озиқ-овқат маҳсулотларини тарқатишни ташкил қилишди.  Улар Буюк Матфей номидаги лютеран черковига озиқ-овқат тўпламларини  жойлаштиришди. Бу озиқ-овқат тўпламлари Ҳобокен шаҳридаги уйсиз аҳолини боқиш учун мўлжалланган бўлиб, мусулмонлар томонидан уларга ёрдам ҳисобланади.

Бундан ташқари, улар ҳамма иштирок этиши мумкин бўлган ютуқли ўйинлар ҳам  уюштирдилар.

Улар: «Биз барча мусулмонлар биргаликда катталар ва болалар учун қишки кийимларни: пальто, шапка, қўлқоп, пайпоқларни тарқатишга муваффақ бўлдик», деб ёзишади ўзларининг Twitter саҳифаларида.

Манба: islam.ru

Бибиражаб Абдуллаева таржимаси