Болажонларимиз танлов ғолиблари бўлишди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Зикр қилмаган қалблар ўлади. Дуо ва зикр билан эса, қалблар тирилади, балолар даф бўлади, ғам-ташвишлар арийди, мусибатлар енгиллашади.

Muslimaat uz сайтининг МДҲ  давлатлари бўйича опа-сингилларимизни жамлаган WhatsApp саҳифамизда Мавлид ойига бағишланган салавот айтиш танловини уюштиришдан мақсад ҳам зикрлар қилиб, қалбларимизни тирилтириш, Пайғамбаримиз соллаллоҳу алайҳи васалламнинг шафоатларига мушарраф бўлиш, савоб ва ажрларга эга бўлишга жидду жаҳддир. Танлов muslimaat uz сайтининг Қирғизистон вакиллиги ҳамкорлигида бўлиб ўтди.  Шу йилнинг 19 октябрь кунидан 15 ноябрь кунига қадар давом этган бу танловда 120 нафар каттаю кичик иштирок этиб, жами 50 миллионга яқин салавотлар айтилди.

Энг қувонарлиси, бу танлов иштирокчиларининг тенг ярми болажонларимиз бўлишди.  Болажонларимиз жаннат райҳонларидир. Ёшлик чоғларида уларни эркалаб кўнглимиз ҳузур қилади. Катта бўлганларида ёрдамларидан баҳраманд бўламиз. Вафот қилганимиздан кейин эса уларнинг саъй-ҳаракатлари туфайли номаи аъмолимиздаги савобларимиз зиёда бўлади. “Жаннат райҳонлари” бўлмиш бу болажонларимиз танловда севикли Пайғамбаримиз Муҳаммад алайҳиссаломга “Аллоҳумма солли аъла саййидина Муҳаммад” (“Аллоҳим, саййидимиз Муҳаммадга салавотлар бўлсин”)  дея салавотлар айтишди.

Танловда болажонларимиз орасидан уч нафари ғолиб деб топилди.  Биринчи ўрин соҳибаси Одинахон Неъматиллаева (Ўш вилояти)  2,177,200 марта, иккинчи ва учинчи ўрин соҳиблари ака-укалар Ҳожиакбар ва Али Ҳайдаралиев (Ўш вилояти) бўлиб, 1,224,556 ва 950,378 марта салавот айтишган.

Ҳомийлар томонидан танловда иштирок этган барча болажонларимиз эсдалик совғалари билан тақдирланишди. Тақдирлаш жараёни вазиятни ҳисобга олиб, масофавий усулда бўлиб ўтди. Тақдирлаш жараёнида  бир жажжи қизнинг: “Менга совғалар керак эмас, мен Расулуллоҳ соллаллоҳу алайҳи васалламни роса яхши кўриб қолдим, у зотни кўргим келяпти...” деган гаплари бизларни ҳайратга солди. Пайғамбаримиз алайҳиссаломга  ошиқ бўлган жажжи бир қизнинг муҳаббатидан кўнглимиз шодланди. Танловимиз болажонларимиз руҳиятига гўзал таъсир қилганидан хурсанд бўлдик. Келгусида улар билан янги-янги танловлар ўтказишни режалаштирдик.


Бибиражаб  Абдуллаева,                                                                                   Қирғизистон

Мавзуга оид мақолалар
Бугунги кунда жаҳоннинг 43 мамлакатида яшовчи 700 миллионга яқин киши сув етишмовчилигидан азият чекади. 2,7 миллиард одам эса ҳар йили камида бир ой мобайнида сув давоми...

15:06 / 07.08.2020 392
Қадимий ва классик шарқ иқтисодиёти олий мактаби институти Россияда Мусулмон олами деб номланган магистратура дастурига биринчи талабаларни қабул қилиши давоми...

11:58 / 06.07.2020 696
Холида бегим кашмирлик бўлиб, у ҳозирда 87 ёшда. Аёл бутун умри давомида ҳаж қилиш умидида тўплаган жамғармасини 500 000 рупий 6 531 долларни эҳсон қилди. У бу маблағни давоми...

11:02 / 21.04.2020 835
Мисрнинг АлАзҳар университети студентлари қисқичбақалар қобиғидан зираворлар, органик ўғитлар, ниқоблар ва бошқа маҳсулотлар тайёрлашда фойдаланиш лойиҳаси давоми...

18:48 / 16.09.2020 235