Муслима аёлларнинг вакили бўлиш мен учун шараф
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Оммабоп PrettyLittleThing бренди ўз реклама кампанияси учун биринчи марта қора танли ҳижоб ўраган моделни жалб қилди ва катта ўлчамларни хуш кўрувчи харидорларини хурсанд қилди. Бу ҳақда Mirror нашри хабар берди.

Мода оламидаги ушбу бренд муслим харидорларга мўлжалланган ёпиқ кийимларини ўз ичига олган Модест Клозинг линиясини ишга туширди. Масалан, ушбу коллекциядаги маҳсулотларни намойиш этишда қатнашиш учун бренд лондонлик 21 ёшли Илвад Марсалга мурожаат қилди. Натижада, модел қиз мазкур бренд веб-сайтида пайдо бўлган ҳижобли биринчи мусулмон аёл бўлди.

Хусусан, у оқ узун енгли кофта устидан кийилган сариқ узун либосда суратга тушди. Унинг қиёфасини қаймоқранг рўмол тўлдирди. Бошқа бир фотосуратда Марсал қора комбинезонда ва худди шу рангдаги ҳижобда, учинчисида эса у камар тақилган кенг кўк жинси ва катта ҳажмдаги енгли қизил туникада суратга тушмоқда.

"Мени бу даражада қўллаб-қувватлашади деб ўйламаган эдим! Ушбу катта лойиҳанинг бир қисми бўлганимдан ниҳоятда хурсандман. Бундай лойиҳада бошқа камтарин аёлларнинг вакили бўлиш мени учун шараф",  дейди фотосессия қаҳрамони.

Лента.ру хабарига кўра, ижтимоий тармоқларда товар харидорлари сайтда эълон қилинган кадрларни юқори баҳолашди ва ҳижобли моделнинг йирик оммавий ахборот воситаларида тилга олиниши мусулмон олами учун муҳим воқеа эканлигини таъкидладилар.

"Бу жуда ажойиб қадам. Ушбу лойиҳа мода оламидаги рақибларимизни ҳам шундай қилишга илҳомлантириши аниқ. Шундай қилиб, муслима қизлар бундай катта брендлар уларнинг маданиятини ҳурмат қилишларини кўриб, ўзларини қулай ва хотиржам, замонавий ҳис қилишади", дея қўшимча қилди Марсал.

Манба: islam.ru

Дилноза Мамадалиева тайёрлади.

Мавзуга оид мақолалар
Доктор Жагдиш Aнанд Рой Канададаги таниқли офтальмологлардан бири ҳисобланади. Доктор ҳиндуизм динига эътиқод қилади, шунга қарамай у ўзининг клиникасида доимо давоми...

15:22 / 14.10.2020 622
Муслима аёл Зайнаб Алема Буюк Британиянинг машҳур Sunday Timesrdquo нашрига кўра, 2020 йилнинг миллий спортчисиrdquo деб тан олинган. Zeerdquo номи билан танилган Зайнаб Алема давоми...

16:14 / 02.12.2020 408
Бугун 9 апрель куни Андижон вилояти, Булоқбоши туманидаги қатор умумий ўрта таълим мактабларида туман бош отинойилари ва юқори синф ўқувчи қизлари билан давра давоми...

21:19 / 09 апрель 2254
Бугунги кунда илмфан соҳасини кўпчилик эркаклар билан боғлайди. Бундай тарафкашликнинг олдини олиш ва илмфан соҳасида аёллар учун тенг имкониятлар тақдим қилиш давоми...

15:10 / 11.02.2020 1346