Тавба нима?
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.


Жобир ибн Абдуллоҳ розияллоҳу анҳудан ривоят қилинади:

«Бир аъробий Набий алайҳиссаломнинг масжидларига кирди-да: «Аллоҳумма, инний астаъийзука ва атубу илайка», деб тез айтиб, сўнг «Аллоҳу акбар», деб (намозга киришди). У намозини ўқиб бўлгач, унга Али розияллоҳу анҳу: «Нима бу? Тил билан тез истиғфор айтиш ёлғончиларнинг тавбаси бўлади. Сенинг тавбанг тавбага муҳтождир», – деди. Аъробий: «Эй мўминлар амири! Тавба нима?» деди. Али розияллоҳу анҳу: «Тавба олтита маънони ўз ичига оладиган исмдир:

1. Ўтган гуноҳларга надомат қилиш.

2. Адо қилинмаган фарзларни қайтадан қилиш.

3. Бировларнинг ҳақини қайтариш.

4. Нафс маъсиятда қандай эриган бўлса, тоатда ҳам шундай эриши.

5. Нафс маъсиятнинг ширин таъмини тотиб кўргани каби, тоатнинг аччиқ таъмини ҳам тотиб кўриши.

6. Барча кулгиларинг эвазига йиғлашинг», дедилар.

Тавба холис бўлиши учун бир нечта нарсалар шарт қилинади:

1. Гуноҳни қилишдан дарҳол тўхташ.

2. Қилган гуноҳига қаттиқ пушаймон бўлиш.

3. Бу гуноҳга асло қайтмасликни ният қилиш.

4. Тавбасини Аллоҳ таоло қабул қилишига ишониш.

5. Аллоҳ таолога истиғфор айтиш.

6. Бу гуноҳга қайтмасликни аъзолари билан амалга ошириш.

7. Бу гуноҳ одамларнинг ҳаққи бўладиган бўлса, улардан узр сўраб, ҳақларини қайтариш.

“Ислом одоблари энциклопедияси” китобидан олинди.

Мавзуга оид мақолалар
Саодатли хонимларХАДИЖА БИНТ ХУВАЙЛИДрозияллоҳу анҳо 15савол Хадижа бинт Хувайлиднинг хизматкори Майсара Шом сафаридан қайтганидан сўнг Муҳаммад алайҳиссалом давоми...

20:00 / 25.06.2020 1913
Аллоҳ таоло Қуръони Каримда шундай марҳамат қилади.Орангизда бир ёзувчи адолат билан ёзсин... Унинг валийси адолат билан айтиб турсин..., Бақара сураси, 282оят.Ушбу давоми...

17:01 / 29.07.2020 244
Солиҳа аёлларга ўхшашни истайман... Ёшим 20 да. Университетда ўқийман. Шу ёшгача онамнинг барча қилган ҳаракатларига қарамай, на ўраниш ҳақида, на намоз ҳақида давоми...

15:22 / 09.04.2020 2313
Яхлит ва ноқисСаҳобаи киромлар ҳақида тўхталсак. Яхлитни ноқис деб қабул қилиш уни кўрмасликдир. Саҳоба деганда фақат қўлига қурол олиб куфрга қарши жанг қилган давоми...

22:00 / 14.02.2020 1658