«Тараннум» танлови ғолиблари аниқланди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.


Muslimaat.uz сайти қошида аёл-қизлар ўртасида гўзал салавоту нашидлар ижро соҳибаларини аниқлаш мақсадида бу йил ҳам азиз опа-сингилларимизнинг талаб ва таклифларини инобатга олган ҳолда, "Тараннум" танлови эълон қилинди. Танловда Республика бўйлаб иштирок этиш истагини билдирган 17 ёшдан 30 ёшгача бўлган аёл-қизлар онлайн тарзда қатнашишди.

Танлов икки босқичда ўтказилди. Дастлаб биринчи босқич  иштирокчилари  мутахассислар томонидан саралаб олинди. Иштирокчилар битта нашид ёки салавотни ижро этиб, ижроларини онлайн тарзда махсус эълон қилган ботимизга юбордилар. Улардан ўн нафар иштирокчи саралаб олинди. Улар иккинчи босқичга йўлланма олдилар. 

Жорий йилнинг 15 июнь куни танловнинг иккинчи босқичи ўтказилиб,  ғолиблар аниқланди.  Биринчи босқичда саралаб олинган ўн нафар гўзал овоз соҳибларининг  махсус топшириқ асосида  жонли ижролари малакали мутахассислар томонидан эшитиб, ўрганилди. Вокал, маҳорат ва ижроси ҳамда тажвид қоидаларига қай тарзда эътибор  қаратилганига аҳамият берилди.

Танловга Глиэр номли Республика ихтисослашган мусиқа академик лицейи эстрада бўлими бошлиғи Дилфуза Зоитова ҳакамлик қилди. 

Ҳакамлар ўн нафар гўзал овоз соҳибларидан тўрт нафарини ғолиб топдилар. Биринчи ўринни Муродова Нилуфар (Самарқанд вилояти) ва Махсумова Озода (Сирдарё вилояти), иккинчи ўринни Баннобова Розияхон (Фарғона вилояти), учинчи ўринни Қобулова  Мадина (Андижон вилояти) эгалладилар.

Ғолиб бўлган гўзал овоз соҳибларини чин дилдан табриклаймиз.

Таҳририят

Мавзуга оид мақолалар
Бугун 9 апрель куни Андижон вилояти, Булоқбоши туманидаги қатор умумий ўрта таълим мактабларида туман бош отинойилари ва юқори синф ўқувчи қизлари билан давра давоми...

21:19 / 09 апрель 2329
Упол Ўш вилояти, Ўзган туманининг Айри Сув қишлоғида туғилган. Ўрта мактабни битиргач, у Россия Федерациясининг Д.К. Беляев номидаги Иваново давлат қишлоқ давоми...

17:13 / 22.12.2020 787
Азон саси остида қолган осуда шаҳарни бир парча деразадан томоша қилар эканман, томоғимга аччиқ бир нарса тиқилди, одатда бундай дамларда кўз ёшимни тиёлмайман. давоми...

21:00 / 17.08.2020 786
Aмерика Бирлашган давлатлари фуқароси, психолог Челсеа Лун Соуса Истамбул Муфтийлигига Туркия мусулмон бўлиш истагини билдириб, мурожаат қилди. У кичик тадбирда давоми...

12:05 / 11.08.2020 979