ТОЖСИМОН ВИРУС САБАБ ҒАРБДА ЎРАНГАН МУСЛИМА АЁЛЛАРГА НИСБАТАН ҲУРМАТ ТИКЛАНМОҚДА
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

ТОЖСИМОН ВИРУС САБАБ ҒАРБДА ЎРАНГАН МУСЛИМА АЁЛЛАРГА НИСБАТАН ҲУРМАТ ТИКЛАНМОҚДА

   Ғарб давлатларида бир неча муслима аёллар билан олиб борилган тадқиқот шуни кўрсатдики,  тожсимон вирус ушбу мамлакатларда ҳижобли ва ўранган аёлларга бўлган эҳтиромнинг тикланишига сабаб бўлмоқда.

   АҚШнинг Иллинойис штатидаги Шимоли Ғарбий университети тадқиқотчиси Анна Баяла АҚШ ва Буюк Британияда 38 нафар муслима аёлларда тадқиқот олиб борган ва натижаларининг бир қисмини Американинг “«The Conversion ” интернет сайтида эълон қилган.

   Тадқиқотда Афара исмли (исми ўзгартирилган) британиялик аёлнинг тожсимон вирус пандемиясидан кейин Буюк Британия кўчаларида муслима ва рўмол ўраган аёллар билан муомалада “ажойиб фарқ” юзага келаётганини айтиб ўтар экан, сўзининг давомида: “Улар энди ниқобим ва қўлқопларим туфайли менга ёмон қарашмаяпти, ҳамма тўсатдан вазиятни тушунди”, дея таъкидлади у.

Франциялик Жамила  исмли муслима  аёл ҳам ҳозирги глобал вазият уни шу пайтгача шаънига ёғилиб келган турли-туман “ғайриахлоқий изоҳлар”дан ҳимоя қилаётганини тасдиқлади.

Шунингдек, у халқаро мода уйларининг бир вақтнинг ўзида ҳам гўзаллик, ҳам саломатлик, соғлиқни сақлаш талабларига тўла мос келадиган юз ниқобларини яратиш тенденциялари ҳақида  сўзлади.

   Франция қонунлари жамоат жойларида ниқобда юришни тақиқлайди. Аммо пандемиядан сўнг  барча учун кўчага ниқобсиз чиқиш тақиқланди. Бир парча мато билан бўлса-да, юзни ёпиб чиқиш шарт.

   Тадқиқотчи ўз сўровнома ва изланишларида аёлларнинг шахсини ҳимоя қилиш учун тахаллуслардан фойдаланган. Натижалар шуни кўрсатадики, аҳолисининг кўпчилиги мусулмон бўлмаган мамлакатларда (ҳижоб ёки ниқоб билан) ўранган мусулмон аёлларга қайта-қайта таҳдидлар қилинади, кўча-кўйда ҳужум қилинади.

  Масалан, 2017 йилда Америкада 40та муслиманинг ҳаёти ўрганилиши натижасида уларнинг 85 фоизи оғзаки сўкиш ва ҳақоратларга, 25 фоизи эса ҳатто тан жароҳати етказиш ва жисмоний зўравонликка дучор бўлганлари аниқланган.

Халқаро мусулмон уламолар кенгаши сайтидан.  

Мавзуга оид мақолалар
Москвада муслима аёллар ташкилотларининг ўн биринчи Умумроссия қурултойи бўлиб ўтди.2023 йил. 22 июль. Москва. давоми...

08:17 / 24.07.2023 1795
Минглаб инсонлар учун диний илммаърифат ўчоғи бўлган Мисрнинг Қоҳира шаҳрига илм истагида бориб, у ерда давоми...

03:15 / 09.08.2020 3455
AҚШ президентлигига асосий даъвогарлардан бири собиқ вицепрезидент, Демократик партияси аъзоси Жо Байден давоми...

22:18 / 25.07.2020 2980
Давлатимиз раҳбари ҳозирги кунда бутун дунёда катта ташвиш ва хавотир уйғотаётган масалага тўхталиб давоми...

04:09 / 31.10.2023 2359