Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
«Муслимаат.уз» саҳифаси, «Бинту Содиқ» маърифий канали жамоаси Тошкент шаҳар бош имом-хатибининг хотин-қизлар масалалари бўйича ёрдамчиси Дилбар ҳожи онага турмуш ўртоғининг вафоти муносабати билан чуқур таъзия изҳор этади.
Марҳум отахоннинг бу дунёда қилган барча солиҳ амалларини ўзларига ҳамроҳ қилиб, ҳусни қабул айласин.
Аллоҳ таоло Ўзининг Каломида мусибатзада мўминларни мадҳ қилиб, уларга улкан ажру мукофотлар ваъда қилади:
«Улар ўзларига мусибат етганда «Албатта, биз Аллоҳникимиз ва албатта, биз Унга қайтувчимиз», дейдиганлардир. Уларга Роббларидан салавотлар ва раҳмат бордир. Ана ўшалар ҳақиқий ҳидоят топганлардир».
Роббимиз оғир жудоликка учраган Дилбар ҳожи онага, у кишининг фарзандлари ва барча оила аҳлларига сабру жамил бериб, салавоту раҳматларидан ато этсин.
