Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Қаноатни қушлардан ўрган, банда,
Кунлик ризқига шукр килади,
Сайраб, зикрни қилмайди канда,
Ношукр одамсан, алам қилади.
Қаноатни қушлардан ўрган, банда,
Масъуд, бахтиёр учаверади.
Тўлмаса ҳам уйчаси донга,
Меҳр-ла фарзандин қучаверади.
Қаноатни қушлардан ўрган, банда,
Қара, нафсини тия олган у.
Мунча дунё деб, куясан, банда?!
Униб, сўлган гиёҳдек дунё бу.
Фарҳодбек Жўраев.
Андижон.
