Мухтасар ҳанафий фиқҳи «Беҳишти зевар» Таҳоратни бузмайдиган нарсалар
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

51-масала

Киши таҳорат олгандан сўнг тирноқларини олса ёки қуриган терисини олиб ташласа, таҳорати бузилмайди ва ўша терини олиб ташлаган жойини ювиш фарз бўлмайди.

52-масала

Аврати очилиб кетган ёки яланғоч ҳолда ғусл ёки таҳорат қилаётган одамнинг авратига қараган одам таҳоратини янгилаши лозим эмас. Лекин авратни очиш ҳам, бировнинг авратига узрсиз қараш ҳам жоиз эмас.

53-масала

Киши таҳорат қилганини аниқ била туриб, таҳоратим бузилдимикан деб иккиланса, таҳорати бор ҳисобланади. Ўша таҳорати билан намоз ўқиса, намози дуруст бўлади. Лекин таҳоратни янгилаб олиши афзалдир.

54-масала

Киши бирор аъзосини ювгани ҳақида иккиланиб қолса, таҳорат қилаётган пайтда иккиланган бўлса, ювдимми деб иккиланган ўша аъзосини ювади, таҳорат қилиб бўлгандан кейин иккиланган бўлса, бунга эътибор қилмайди. Бу ҳукм иккиланган киши учундир. Агар бирор аъзосини ювмаганини аниқ билса, уни ювиш фарз бўлади.

55-масала

Бетаҳорат кишига мусҳафни ушлаш ҳалол эмас. Алоҳида мато билан ушлаш жоиз, лекин ўзи кийиб турган кийим билан ушлаш жоиз эмас. Мусҳафни ушламай туриб Қуръон тиловат қилса, қараб ўқиса ҳам, қарамай ўқиса ҳам зарари йўқ.

56-масала

Имом Абу Юсуф роҳимаҳуллоҳнинг наздида бетаҳорат киши Қуръони Каримни ёзиши макруҳ эмас, ёзилаётган жойни ушламаса бўлди. Имом Муҳаммаднинг наздида эса ёзилаётган жойни ушласа ҳам, ушламаса ҳам, макруҳ бўлади. Мана шундай қилиш эҳтиётлироқдир. Бу ҳукм мусҳафдан бошқа нарсага ёзув ёзишга оиддир. Бетаҳорат ҳолда мусҳафга бирон нарса ёзиш асло мумкин эмас. 

Ашраф Али Таҳонавий

Манба
Мавзуга оид мақолалар
Бирлашган Араб Амирликларида икки янги бахт ҳамда яхшилик вазирлари тайин қилинди. Бу икки лавозимни аёллар эгаллашди. Бирлашган Араб Амирликларининг бош давоми...

08:28 / 28.02.2017 3442
 «Седмица» хабар беришича, 2013 йил қурилаётган исломий ибодат масканлари сони бўйича мисли кўрилмаган бўлиши кутилмоқда. Кўчмас мулк соҳасида ҳақиқий давоми...

08:06 / 21.12.2016 1680
АЁЛЛАР ФИҚҲИ Савол Таҳоратдан кейин юзқўлни артмаслик суннат дейишади. Шу тўғрими Жавоб . Ойша розияллоҳу анҳодан ривоят қилинади «Расулуллоҳ давоми...

06:26 / 14.03.2017 3721
  Муборак Рамазон ойини минг умидлар билан кузатганимиздан сўнг ҳар доимгидек ўзбек тўйҳашамлари авжига чиқа бошлайди. Мен тўйлардаги ҳашамларни кўриб, давоми...

05:40 / 28.12.2016 2161