Фейсбук саҳифаларини бузиб кириш ёки яроқсизлантиришнинг ҳукми
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Компьютерларни ёки компьютерлар тармоғини бузиб кириш хакерлик деб аталади. Фейсбук саҳифаларини хакерлик йўли билан бузиб киришнинг фойда ва зарарлари ҳам бугунги кунда кўриб чиқиш лозим бўлган янги масалалардан бўлиб, унга умумий ҳукм билан жавоб бериш ўринли бўлмайди.

Фейсбукда динсизлик ёки фасодни тарқатиш билан машғул кўплаб жамоалар ва саҳифаларни кўриш мумкин. Шунинг учун, менинг шахсий фикримча, Исломга ошкора душманлик қилувчи жамоаларнинг саҳифаларини бузиш, вайрон қилиш ва яроқсизлантиришда ҳеч танглик (гуноҳ) йўқ, валлоҳу аълам. Чунки бу мункарни, ёмонликни инкор қилишнинг бир кўринишидир. Бу гап фаҳш, беҳаё суратлар ва шармандали лавҳаларни тарқатиш йўналишидаги саҳифалар учун ҳам тўғри бўлади, яъни уларни ҳам бузиш ва яроқсизлантиришда гуноҳ йўқ.

Шахсий ёки умумий саҳифаларни эса, ҳатто унда баъзи қарама-қаршиликлар бор бўлса ҳам, бузиш ва яроқсизлантириш жоиз эмас. Аксинча, уларнинг эгаларига ва ҳурматли кишиларига яхшилик билан насиҳат қилиш лозим.

Агар шахсий ёки умумий саҳифа эгалари Ислом асосларини, яхшилик ва шаръий илмларни, фатво, мавъиза ва исломий хабарларни тарқатиш билан машғул бўлсалар, саҳифалари уламолар ва толиби илм саҳифалари каби кўринса, бундай саҳифаларни вайрон қилиш, бузиб ташлаш ва йўқ қилиш ҳаром бўлади. Чунки бу Аллоҳ таоло ёмон кўрадиган ва рози бўлмайдиган фасод ишдир.

Роббимиз айтади: «Аллоҳ фасод қилгувчиларни севмас» (Моида сураси, 64-оят), «Зеро, Аллоҳ бузғунчиларнинг ишини ўнгламас» (Юнус сураси, 81-оят).

Манба
Мавзуга оид мақолалар
  Набий соллаллоҳу алайҳи васаллам қавмини Исломга даъват қилгач, Қурайш отабоболарининг динини тарк қилишни хоҳламасдан даъватни қабул қилишмади. Янги диндан давоми...

07:57 / 19.02.2017 3596
Аёл Ҳар сафар Қуръони Каримни ўқиган вақтимда Аллоҳ таолонинг эркакларни  жаннатдаги ҳуру ийнлар билан қизиқтиришидан ҳайратга тушаман. Аллоҳ азза ва жалла биз давоми...

08:10 / 01.02.2017 8010
Қайда бўлсада ҳамроҳлари ордир муслималар. Номаҳрамларчун, юзи пардадордир муслималар. Кундузи беш вақт намозда мудом эрурлар қоим. Тунларда таҳажжуд ила давоми...

08:05 / 06.12.2016 2236
Ўзбекистонда Умранинг баҳорги мавсуми ва 2015 йилдаги Макка ва Мадина шаҳарларида ўтказиладиган Рамазон маросимларига тайёргарликлар бошланди. 2014 йилнинг давоми...

03:47 / 31.01.2017 2157