Еймиз, ичамиз…
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Жамият ривожланиб, инсон онги ўсгани сари кишилар ҳаётида фаровон яшашга имконият ва шароит пайдо бўлиб бораверади. Мана ҳозирги кунда одамзот истеъмоли учун яратилган ҳисобсиз озиқ-овқат маҳсулотлари ҳам бунга бир мисол. Бундан юз йил аввал яшаган ота-боболаримиз хаёлига келтирмаган егуликлар бугун дастурхонимизда муҳайё. Биз уларнинг таъмига баҳо берганимизча тановул қилиб кетаверамиз. Ёки бўлмаса, тайёрланиш услубини ўрганиш учунгина таркибидаги маҳсулотларга эътибор берамиз. Аслида ҳар бир озуқа Аллоҳ таолонинг инъоми эканини, уни фақат таъбимизга қараб эмас, тафаккур қилиб, неъмат эканини ҳис этиб истеъмол қилишимиз лозим эмасми?

Аллоҳ таоло бандаларини икром қилиб Ўзининг муқаддас китоби Қуръони каримда мана бундай марҳамат қилади:

يَا بَنِي آَدَمَ خُذُوا زِينَتَكُمْ عِنْدَ كُلِّ مَسْجِدٍ وَكُلُوا وَاشْرَبُوا وَلَا تُسْرِفُوا إِنَّهُ لَا يُحِبُّ الْمُسْرِفِينَ

“Эй Одам авлоди! Ҳар бир масжид (намоз) олдидан зийнатларингиз (пок кийимларингиз)ни (кийиб) олингиз! Шунингдек, еб-ичингиз, (лекин) исроф қилмангиз! Зеро, У исроф қилувчиларни севмагай” (Ароф, 31-оят).

مَتَاعًا لَكُمْ وَلِأَنْعَامِكُمْ

(Буларни) сизларнинг ва чорва ҳайвонларингизнинг истеъмоли учун (яратдик)(Абаса, 32-оят).

Жанобимиз Муҳаммад соллаллоҳу алайҳи васаллам эса бу ҳақда жуда кўп ҳадисларда айтиб ўтганлар.

Ибн Умар розияллоҳу анҳу ривоят қиладилар: «Расулуллоҳ соллаллоҳу алайҳи васаллам: «Дарҳақиқат, мўмин битта ичаги тўлгунча, кофир (ёки мунофиқ) эса еттита ичаги тўлгунча овқат ейди!» дедилар» (Имом Бухорий ривояти).

Хўш, биз мукаррам инсон бу қоидаларга қанчалик амал қиляпмиз?

Нега энди еганимизни муҳокама қиляпсиз, деган савол бермоқчимисиз? Афсуски, ҳаётимиздаги жуда кўп муаммо-ю тушунмовчиликлар, турли низолару гиналар, ибодатимиздаги ҳаловат ва танамиздаги оғриқлар, ҳаттоки бутун инсониятни тахликага солаётган дунёдаги ресурс етишмаслиги – ҳаммаси шу сиз билан биз ҳисобга олмаётган егуликлар ҳамда озиқ-овқат маҳсулотларига боғлиқ.

Дунё аҳолисининг қанчаси оч ухлолмай ётса, яна шунчаси кўп тановул қилиш оқибатида уйқуга кетолмайди.

Бу билан сиз азизларга таом ейишни таъқиқламоқчи ёки камроқ ейишга чақирмоқчи эмасмиз. Ахир Аллоҳ таоло Ўзи хоҳлаганча ейишимизга рухсат бериб турибди-ку. Шунчаки дастурхон атрофида ўтирганимизда олдимиздаги ноз-неъматлар ҳақида тафаккур қилиб, шукронасини келтирсак, кекса ёшдаги бобо-бувиларимиз, яқин қариндошлар ва қўни-қўшнига ўша егуликларимиздан илинсак, беришни севувчи Роббимиз марҳаматига янада кўпроқ эришамиз, иншааллоҳ, демоқчимиз, холос…

Адолат Каримжон қизи

Мавзуга оид мақолалар
Истиғфор ҳақида айтилган фикрларни баъзи бир кишилар нотўғри тушуниб, инсон ҳар қанча гуноҳ ишларни қилса ҳам, уларнинг кечирилиши осон экан, деган хаёлга давоми...

05:28 / 11.11.2016 2385
embedhttpswww.youtube.comwatchvTNWVAn0uCfIembed Ҳурматли бекажонлар Қадим Шом ўлкасининг дунёга машҳур анвойи таомлари, турфа хил пишириқлари ҳақида эшитгансиз. Аммо «минг марта давоми...

01:39 / 11.03.2017 3928
Бисмиллаҳир Роҳманир Роҳийм  Ассалому алайкум, азиз мухлисалар Бугун 29 декабрь куни Мавлиди шариф муносабати билан ўтказилган «Суннатни тирилтириш Пайғамбар давоми...

22:41 / 22.02.2017 3099
Аллоҳ таоло барчага ўзига хос қобилият, қизиқиш ато қилган. Кишининг севимли машғулоти доимо унга яхши кайфият бағишлайди, салбий фикрлардан халос бўлишга давоми...

11:00 / 08.07.2019 1030