Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Индонезия дин ишлари вазирлиги Қуръоннинг 16 та маҳаллий тилдаги таржималарини чоп этди.

Жакарта маданият марказининг хабар беришича, яна бошқа бир неча тилга таржима ишлари ҳам олиб борилмоқда. Дин ишлари вазири Луқмон Ҳаким Сайфуддиннинг айтишича, Қуръон маъноларининг ҳар бир тилга таржимаси икки йилча вақт олади. У, шунингдек, Қуръон маънолари таржимаси ҳеч қачон асл араб тилидагидек бўлмаслигини таъкидлаб ўтди.

Ислом Индонезияда энг кўп эргашиладиган диндир. 2010 йил ҳисоб-китобларига кўра, мамлакат аҳолисининг 87.2% қисми ўзларини мусулмон деб билади. Шу билан бирга Индонезия жаҳонда энг кўп мусулмон (225 миллион) яшайдиган давлат ҳисобланади.

Ушбу жануби-шарқий Осиё мамлакати турли тилларда сўзлашадиган юзлаб этник гуруҳларнинг ватанидир.