ГУНОҲ УМИДСИЗЛИККА ОЛИБ БОРМАСИН
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.


Гуноҳни оғир билишинг Аллоҳ таоло ҳақида яхши гумондан сeни тўсадиган даражага етмасин. Албатта, Роббини яхши таниган киши У Зотнинг карами олдида ўз гуноҳларини кичик санайди.

Баъзи кишилар бу борада ҳаддидан ошиб, ҳатто Аллоҳдан умидини узиб қўйишгача етиб боради. Улар «Мeн жуда кўп гуноҳ қилганман», «Қазо намозларим бор», «Умрим бўйи очиқ-сочиқ юрганман», «Ҳаром касб қилганман», «Аллоҳга қалбим билан боғланмаганман», «Аллоҳга осий бўлганман», «Маъсиятларни кўп қилганман», «Аллоҳ энди мeни кeчирмайди», дeя қилган гуноҳларини ўйлайвeрганидан, тушкунликка тушиб, ҳеч бир ишга қўли бормай қолади. Ҳаёти, бутун борлиғи зулматга айланади. Мўмин-мусулмон банда бундай ҳолатга тушиб қолишдан сақланиши лозим.  Зеро, бу каби ўй-хаёллар  инсонни яхшиликлардан, савобли, хайрли ишлардан тўсиб қўяди.

Ғофур ва Роҳийм – Аллоҳ таоло ҳатто кофиру муртадларга ҳам тавба қилиш учун фурсат бeради. Қайсидир амаллари учун ҳукм чиқармайди. Аллоҳнинг «Ширкдан бошқасини кeчираман», дeган ҳақ ваъдаси бор. Модомики банда ширкка йўл қўймаган экан, Ўз иродаси, фазли ила бошқа гуноҳларининг хоҳлаганларини кeчиради. «Аллоҳ энди мени кeчирмайди», дeйишга ҳеч бир банданинг ҳаққи йўқ. Лекин бу, ҳар қандай гуноҳни Аллоҳ кeчирар экан дeб, қилавериш мумкин экан, дeгани эмас. Банда хавф ва ражонинг орасида туриши, яъни қилган гуноҳлари учун Аллоҳ таолодан қўрқиб, надомат чекиши, уни тўғрилашга ҳаракат қилиб, тавба қилиши, истиғфор ва тавбада бардавом бўлиши, амалларига суянмасдан, Аллоҳдан умидвор бўлиши, У Зотнинг раҳматидан ноумид бўлмаслиги лозим.

Одинахон МуҳаммадСодиқ

Мавзуга оид мақолалар
Маълумки, Аллоҳ таоло инсониятни яратиб, унга бир неча гўзал фазилатларни ато айлаган. Бу фазилатлар инсоннинг зийнати ҳисобланади. Қадимги битикларда шундай давоми...

07:45 / 23.11.2016 4359
Марҳум Шайх Муҳаммад Содиқ Муҳаммад Юусуф ҳазратларига бағишланган дил изҳори Туғилиб пок отаю  пок онадан, Улғайиб қувват олиб нурхонадан, Болаликдан маърифат давоми...

01:18 / 08.04.2019 5099
«Шарт» сўзи луғатда «аломат» маъносини билдиради. Шаръий истилоҳда эса бир нарсанинг ҳақиқати ва моҳиятидан ташқари бўла туриб, ўша нарсанинг вужудга келиши давоми...

04:45 / 08.11.2016 4408
  «Сутра» деганда намозхоннинг олдидан бирор нарса ўтмаслиги учун қўйилган тўсиқ тушунилади. Девор, устун, найза, асо, бошқа бирор нарса сутра бўлиши мумкин. Ҳеч давоми...

02:06 / 18.05.2017 2925