Уй тозалашда асқотадиган 12 маслаҳат
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Гарчи уй тозалаш сиз учун севимли машғулот бўлмаган тақдирда ҳам натижа ҳамиша сарфланган меҳнатни оқлайди. Атроф тозаликдан ярақлаб турганда зиммангиздаги вазифа бажарилгани ҳиссини туясиз. Бугун бу борада сизга ёрдам берадиган маслаҳатларни тақдим қиламиз.

 Столни тиклаймиз (ярақлатамиз)

Ярим стакан уксус ва ярим стакан зайтун ёғини аралаштиринг. Аралашмага латтани ботириб, ёғоч столни артинг. Шилинган, уринган жойлари билинмай кетади ва стол юзаси янгидек бўлади.

 Ёстиқжилдларни оқартирамиз

1 стакан кир ювиш кукуни, 1 стакан идиш ювиш машинаси учун мўлжалланган кукун, 1 стакан оқартирувчи восита, ярим стакан бура (танакор)ни аралаштиринг ва қайноқ сув қўшинг.

 Шкафни тозалаймиз

1 ош қошиқ ўсимлик ёғини 2 қошиқ озиқ-овқат содаси билан аралаштиринг. Жавонни тозалаш учун чўтка ёки матодан фойдаланинг.

 Кран ёки душ насадкаси

Кран ёки душ насадкасида тўпланиб қолган оҳак қатлами (налет)ни тозалашда бизга сирка ёрдам беради. Одатда 20 дақиқа кифоя қилади.

Агар шундан кейин ҳам оҳак қатлами кетмаган бўлса, насадкани ичига сирка солинган пакетга ўраб қўйинг ва бир соатга қолдиринг. Сўнгра яхшилаб ювиб ташланг.

 Дазмол

  1. Дазмол столга қоғозни тўшанг ва унга бироз туз сепинг.
  2. Дазмолнинг қизиш регуляторини энг баланд даражага қўйинг («Буғ» функцияси ўчирилган бўлиши, дазмолнинг ўзида эса сув бўлмаслиги керак).
  3. Қиздирилган дазмолни туз устида юргизинг. Дазмол юзасидаги барча кир тез ва осон бартараф бўлади.

Чўян това

Чўян товани тозалашда сизга плитани тозалаш учун восита, қўлқоплар, чиқинди халтаси ва оқ сирка ёрдам беради.

 Ваннадаги моғор

Пахтани олиб, ундан диаметри тахминан 1 сантиметр бўлган шарчалар ясанг. Уларни оқартирувчи восита билан ивитинг, моғорнинг устига қўйинг ва шу ҳолича эрталабгача қолдиринг. Эрталаб моғорнинг қолдиқларини эски тиш чўткаси билан тозалаб ташланг.

 Плита панжараси (решёткаси)

Решёткада йиғилган ёғ қолдиқларини нашатир спирти ёрдамида кетказиш мумкин. Решёткани пластик халтага солинг, унинг ичига 2-3 ош қошиқ нашатир спиртидан қуйинг. 12 соатдан сўнг уни ювиб ташланг.

Мавзуга оид мақолалар
Олмаота шаҳридаги Алатау анъанавий санъат театрида шаҳар марказий масжидининг ташаббуси билан Аждодлар ўгити номи остида мавлид маросими бўлиб ўтди. Тадбир давоми...

22:43 / 19.12.2018 2069
Оиламизда Мавлид Бизнинг оиламиз жуда ҳам катта. Бизнинг уйда ҳар йили Мавлид ойида Мавлид маросими бўлади. Бу маросимда пайғамбаримиз Муҳаммад соллаллоҳу давоми...

02:11 / 12.12.2017 2558
embedhttpswww.youtube.comwatchvqnm7lVxmPScembed

07:28 / 19.02.2017 3448
Ватан ҳимояси Ватан ҳимояси бу чегарада туриш ёки аскар бўлишгина эмас, балки ҳамманинг қалбан, қайси касбда бўлмасин, унга хизмат қилишидир. Ҳар ким ватанини давоми...

01:36 / 15.01.2018 2399