«muslimaat.uz» доим кўмакка тайёр!» тадбиридан сўнг айрим мулоҳазалар
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аввалроқ хабар берганимиздек, 16 октябрь 2018 йил санасида «muslimaat.uz» сайти «muslimaat.uz» доим кўмакка тайёр!» деб номланган тадбир ўтказган эди.

Мазкур тадбир кутилгандан ҳам чиройли тарзда ўтганини унинг мўлжалланган вақтдан кўра узунроқ давом этганидан, қизиқарли савол-жавоблар бўлганидан, шунингдек, таклиф этилган меҳмонларнинг ташаккурларидан билиш мумкин.

Тадбир бошланишидан аввал меҳмонларга сўров бланкалари тарқатилди. Бунда фойдаланувчиларнинг фикр-мулоҳазалари, талаб ва таклифларини билиш ҳамда бу фикрлар асосида сайт фаолиятини янада яхшилаш мақсад қилинган эди.

Тадбир якунлангач, бланкаларни кўздан кечириш давомида уларнинг асосий қисми бўш, яъни тўлдирилмаган ҳолатда қайтарилганининг гувоҳи бўлдик. Келган меҳмонларга 80 дан ортиқ сўровнома қоғози берилган бўлса, шундан 33 таси тўлдирилган.

Очиқроқ айтганда, меҳмонлардан мазкур сўровномаларга “savollar.muslimaat.uz” сайтининг «Динда саволим бор», «Педагог маслаҳати», «Руҳшунос маслаҳати», «Шифокор маслаҳати», «Ҳуқуқшунос маслаҳати» бўлимларида яна қандай мавзулар ёритилиши ҳақида ўз мулоҳазаларини ёзиб қолдиришлари сўралган эди.

Шуни ҳам айтиб ўтиш ўринлики, мазкур ҳолат, яъни тарқатилган бланкаларга эътиборсизлик чет давлатларда айбли ҳолат саналади!

Сўровнома ўтказишдан асосий мақсадни юқорида билдирдик. Кўпчилик учун манфаатли бўлган мавзулар юзасидан суҳбатлар ўтказиш, фикр алмашиш, албатта, ўз ижобий натижасини беради. Шундай экан, бланкаларга ёзилган бор мулоҳазаларни-да эътиборга олиб, таклиф қилинган мавзуларни имкон қадар “savollar.muslimaat.uz” сайтида ёритиб бормоқчимиз.

Аллоҳ таоло илм истаб савол берган ҳар бир меҳмонимизга Ўзи ваъда қилган ажру мукофотларини кўпайтириб берсин!

Мавзуга оид мақолалар
Абу Дардо розияллоҳу анҳу шундай ривоят қилган эканлар «Расулуллоҳ соллаллоҳу алайҳи васаллам дедиларким «Агар менинг билганимни билсайдингиз, оз кулар, кўп давоми...

09:52 / 29.12.2016 2977
 Муслима Гинелла Масса Канада телевидениеси тарихида ахборот дастурини ҳижобда олиб борган биринчи бошловчи бўлди, дея хабар бермоқда Ассоcиатед Прессга давоми...

08:12 / 01.02.2018 2126
Бугун 23 май 2019 йил санасида muslimaat.uz сайти қошида муборак Рамазон муносабати билан аёлқизлар ўртасида гўзал овоз соҳибаларини аниқлаш мақсадида ташкил этилган давоми...

04:14 / 24.05.2019 1603
 Дунё мусулмонлари қаторида россиялик татарлар ҳам бу байрамни нишонлай бошладилар. Маълумки, 2014 йил 2 январда Рабиъул аввал ойи бошланди. Айнан мана шу ойда давоми...

10:24 / 20.01.2017 3512