Оз қолса, Исломимни йигирма пенсга сотиб юборардим
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бундан бир неча йил аввал бир масжид имоми яшаш учун Лондон шаҳрига кўчиб келди. Уйидан шаҳарга чиққанда у, асосан, автобусдан фойдаланарди. Кўчиб келганидан кейин бир неча ҳафта ўтиб, у, деярли, ҳар доим чиқадиган ва ҳайдовчиси ўзгармайдиган автобусда кетаётган эди. Ҳайдовчи унга йўл ҳақидан қайтим бераётганда ортиқча йигирма пенс бериб юборди. Имом ичида ортиқча пулларни қайтариш керак. Чунки бу пуллар менга тегишли эмас, деб ўйлади. 

Лекин бир оз мулоҳаза юритиб, ўзига ўзи деди: «Ҳечқиси йўқ, бу – шунчалик арзимайдиган пул. Ҳеч ким унга эътибор ҳам бермайди. Қолаверса, автобус компаниялари чипта сотиш орқасидан жуда катта даромад оладилар. Бу пул уларнинг даромадига ҳеч қандай таъсир ўтказмайди. Шунинг учун бу пулни ўзимда олиб қолиб, уларни Аллоҳнинг менга инъоми дея индамай ўтирганим яхши».

Автобус имом тушадиган бекатда тўхтаганида, у бир оз ушланиб, сўнг ҳайдовчига йигирма пенсни узатиб: «Марҳамат, олинг! Сиз менга қайтимни кўпроқ бериб юборибсиз», деди. Ҳайдовчи пулни олиб, юзида табассум билан сўради: «Сиз шу туманнинг янги имоми эмасмисиз? Мана неча кундирки, мен сизнинг масжидингизга бориб, ўша ерда ибодат қилишни мулоҳаза қиляпман. Бу пулга келсак, мен уларни сизга атайин бергандим». Имом автобусдан тушиши билан оёғида ҳолсизликни сезиб, ҳушидан кетай деди. Сўнгра йиқилиб тушмаслик учун ўзи дуч келган биринчи устунга суяниб, кўзида ёши билан илтижо қилди: «Ё Аллоҳ! Оз қолса, Исломимни йигирма пенсга сотиб юборардим». Муҳтарам ака-ука, опа-сингиллар! Ёдингизда тутинг! Ҳеч қачон одамлар бизнинг хулқимизга қандай муносабатда бўлишларини била олмаймиз. Эҳтимолки, биз улар учун Қуръон ва Исломни ифодалайдиган ягона шахсдирмиз. Шунинг учун биз, мусулмонлар, бошқалар учун намуна бўлишимиз лозим. Доимо самимий ва ҳалол бўлмоғимиз даркор. Зеро, бизнинг ортимиздан кузатиб, ўзимизни қандай тутишимизга қараб мусулмонларга баҳо бераётган ва ўз навбатида бизнинг хулқимизга қараб Исломга баҳо бераётган бўлишса, ажаб эмас.

Мавзуга оид мақолалар
Иймон ва илмий далиллар Ҳар қандай инсон феълида қандайдир мутлақ қодир куч борлигига ишонч туйғуси мавжуд. Бy ақлнинг самараларидан биридир. Борлиққа назар давоми...

08:00 / 12.11.2016 4114
Болалар ва компьютер бирбирига мувофиқми Бу, албатта, қуйидаги вазиятларга боғлиқ. Бир тарафдан, компьютер ёрдамида биз суратларни ҳаракатлантириб, сўзларнинг давоми...

10:31 / 13.12.2016 3152
Яхши аёл дунёдаги энг яхши одамга турмушга чиқиши мумкин. Муҳаммад алайҳиссаломнинг завжалари Оиша розияллоҳу анҳу мисоли. Бу турмуш Оиша онамизнинг Аллоҳга давоми...

02:58 / 15.12.2016 2667
Жорий йилнинг 18 сентябрь куни Тошкент шаҳридаги «Хўжа Аламбардор» жомеъ масжидида XXIV Республика қорилар мусобақаси бўлиб ўтди. Мана 3 йилдирки, «Хўжа давоми...

19:05 / 29.12.2016 3206