«Расулуллоҳнинг мавлид хотираларини нишонлаш билан уммат воқелиги ўртасидаги муносабат» (4-қисм)
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

[embed]https://www.youtube.com/watch?v=N4ecRvqxkNo&feature=youtu.be[/embed]

Биз бошимизда порлаб турган бу тожни ўзимиз топган бойлик, ўзимиз эришган маданият ва ўзимиз қўлга киритган куч-қувват билан тўқиб, тайёрлаб олмаганмиз, балки уни бизларга тайёрлаб берган Аллоҳнинг қудратидир. Бизни шарафлаб, бошимизга тожни ўрнатган Аллоҳ таолонинг Ўзидир. Бизни шарафлаган бу тожга бизлар Исломга садоқат билан боғланган, амал қилган вақтимизда эришганмиз. 

Агар биз тож билан маст бўлиб, ушбу тожни кийдирган Зотни унутиб қўйсак, неъматлар, шаҳарча ҳаёт тарзи ва унга хос маданият билан ҳамда ўзимизга берилган бойлик билан маст бўлиб, ушбу неъматларни берувчи қўлни унутиб қўйсак, унда бу пасткашлик ва тубанликнинг энг оғир кўриниши бўлади. 

Йўқ, одамларнинг барчаси маданият поғонасига ўзларининг меҳнатлари билан чиқмаганларини, балки улар ушбу динни садоқат билан лозим тутган вақтларида Аллоҳнинг қазоси уларни маданиятнинг юқори чўққисига олиб чиққанини тез орада билиб олишади. 

Бугун биз ушбу умматнинг шонли тарихи гуллатиб кетган тожга назар солиб, ўша тож билан маст бўлмоқдамиз. Ҳа, худди шундай! Лекин бизларга тожни кийдирган Зотни унутиб қўйдик. Бу ишимиз тўғрими, бир ўйлаб кўринг, эй Аллоҳнинг бандалари?

Ислом умматининг тарихи ҳақида гапирамиз, қачонлардир бошқа маданиятларга ғолиб келган араб маданияти ҳақида сўзлаймиз, Ғарб уламолари ҳамиша бу нарсани изоҳталаб сирли иш деб биладилар. Биз ушбу тарих ва ушбу тож билан фахрланиб келдик, лекин тожни кийдирган, у билан бизни шарафлаган Зотдан юз ўгирдик. Кўзларимиз узоқ-узоқларга қочиб, дарбадар кезиб юрибди, диққат-эътиборимиз арзимас тақлидий анъаналарга қаратилган, кўзларимиз шаҳватлар, ҳавойи истакларда сарсон-саргардон кезиб юрибди. Тез орада бу шаҳватларимиз биз билан видолашади ёки биз улар билан хайрлашамиз. Тез орада бу дунёдан жўнаб кетамиз, ҳар биримиз бир ўзи сиғадиган   тор қабр  ичидан жой олади. Тез орада оламлар Робби ҳузурида туриш учун қайтадан тириламиз. Ана шунда нима дейсиз? 

Сўзларимни якунлар эканман, Аллоҳдан мағфират сўрайман.


Муҳаммад Саъид Рамазон ал-Бутий хутбаси.
17-октябр 2008-йил.
Шайхонтоҳур туман Эшонгузар жомеъ
масжиди имом хатиби:

Абдуллоҳ Ғуломов таржимаси 

Мавзуга оид мақолалар
Имом Аҳмад ибн Ҳанбал Маъқал ибн Ясардан ривоят қилган ҳадисда Пайғамбаримиз Муҳаммад соллаллоҳу алайҳи васаллам «Кимки тонг чоғида уч марта «Аъузу давоми...

11:07 / 21.03.2017 1661
Ёшлигимда «Сабр таги  сариқ олтин» деган мақолни эшитсам, ҳақиқий олтинлар кўз ўнгимга келар, инсон бойиб кетади, деб ўйлардим. Кейинчалик, бир воқеани давоми...

05:15 / 29.12.2016 1192
Аёллар кўпчилиги сочни турмаклаш ва турли бўёқлар ишлатишда ҳаддан ошиб кетишган. Бу нарсалар, табиийки, сочнинг мўртлашиб, синишига, шунингдек, ўта сезувчан давоми...

16:00 / 15 январь 1554
gallery linkfile ids9555,9554,9553 Сешанба  8 сентябрь куни Яқин Шарқнинг катта қисмини эгаллаб олган улкан қум бўрони Жидда шаҳрига кириб келиб, маҳаллий вақт билан соат 1800да давоми...

21:39 / 13.02.2017 2726