Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 Маълумки, Ўзбекистон Республикаси Президенти ташаббуси билан юртимизда бўлиб ўтаётган Қуръон қироати мусобақаси ҳудудларда давом этмоқда.

“muslimaat.uz” сайти ходималари ҳам эндиликда водий бўйлаб ижодий сафарга чиқдилар. Улар Андижон вилоятидаги мусобақага етиб келиб, ўз фаолиятларини бошладилар.

2018 йил 3 феврал куни Олтинкўл туманидаги жоме масжидида якунига етган мусобақа барча иштирокчиларда ва томоша қилишга келган меҳмонларда катта таассурот қолдирди.

“muslimaat.uz” сайти ходималари шу куни Наманган вилояти сари йўлга чиқар эканлар, уч кун давомида мазкур вилоят шаҳарларида бўлиб ўтажак Қуръон қироати мусобақасини ҳам батафсил халққа етказиб бериш ниятидалар.

Зуҳрахон ҲАМДАМОВА