Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ислом оламининг биринчи аёл олималар халқаро анжумани Эроннинг Илм-фан Вазирлигида бўлиб ўтди. Икки кун давом этган анжуманда 37 та Ислом давлатидан ташриф буюрган аёл олималар иштирок этишди.
Анжуманнинг очилиш маросимида Эрон Президентининг рафиқаси Азамсаодат Фарахий ва Маориф Вазири сўзга чиқишди.Фарахий хоним иштирокчиларнинг эътиборини аёлнинг илм-фандаги тутган ўрнига ва унинг жадаллик билан ривожланаётган дунёдаги аҳамиятига қаратиб, аёл ва илм оламнинг пойдевори эканлигини таъкидлади.
Анжуманда аёллар орасида йўлга қўйилган таълим тизимини ривожлантириш, уларнинг саводхонлик даражасини кўтариш ҳамда хотин-қизлар ўртасида пайдо бўлаётган муаммоларнинг ечимини топиш каби масалалар муҳокама қилинди.
