Aёллар фиқҳи
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Савол: Қулоқнинг оқиши таҳоратни синдирадими?

Жавоб: Агар қулоқдан бадбўй нарса оқса ва чиққан нарса оғриқ билан чиқса, таҳорат у билан бузилади. Агар оғриқсиз чиқса, таҳоратни кетказмайди «(Фатавои ҳиндия»).

Савол: Нажосат қачон оққан ҳисобланади?

Жавоб: Бадандан чиқиб тарқалсагина, нажосат ҳисобланади ва таҳоратни синдиради. Агар бадандан чиқса-ю, оқмаса, нажосат ҳам ҳисобланмайди, таҳоратни ҳам синдирмайди.

قَوْلُهُ عَلَيْهِ السَّلَامُ الْوُضُوءُ مِنْ كُلِّ دَمٍ سَائِلٍ

Расулуллоҳ соллаллоҳу алайҳи васалламнинг:

«Ҳар бир оқувчи қон сабабидан таҳорат вожиб бўлади», деган сўзлари далил. «Табйинул-Ҳақоиқ шарҳу Канзуд-Дақоиқ».

Савол: Одатда одамлар уйларига чўмиладиган ҳовуз қиладилар. Фиқҳий китобларда «нажосат тушса, нопок бўлмаслиги учун ҳовуз ўн газга ўн газ бўлиши керак» дейилган. Бу дегани тўрт тарафи ўн газ бўлиши лозим деганими ёки қандай бўлса ҳам ҳовузнинг юза қисми юз газ бўлса бўлдими?

Жавоб: Ҳовузнинг юза қисми юз газ бўлса бўлди, яъни эни эллик газ, бўйи икки газ бўлса ҳам ёки қандай шаклда (юмалоқ, уч бурчак в. ҳ.) бўлса ҳам юза қисми юз газ бўлса бўлди. Олимларимиз бир газ – 46,2 см.га тенг деганлар (Авзону маҳмуда).

وَلَوْ لَهُ طُولٌ لَا عَرْضٌ لَكِنَّهُ يَبْلُغُ عَشْرًا فِي عَشْرٍ جَازَ تَيْسِيرً

«Агар бир ҳовузнинг бўйи узун бўлиб, эни қисқа бўлса-да, лекин сатҳи умумий «ўнга ўн»нинг йиғиндисига тенг бўлса, яъни юзаси 100 газга тенг бўлса, енгиллик яратиш мақсадида (нажосат тушган бўлса ҳам ундан таҳорат қилиш) жоиз бўлади» («Дуррул мухтор»).

كَأَنْ يَكُونَ طُولُهُ خَمْسِينَ وَعَرْضُهُ ذِرَاعَيْنِ مَثَلًا فَإِنَّهُ لَوْ رَبَّعَ صَارَ عَشْرًا فِي عَشْرٍ .

«Масалан, бўйи эллик газ, эни эса икки газ. Агар уни тўртбурчак шаклига келтирилса, ўн газга ўн газ бўлади» («Раддул мухтор»).

       
Мавзуга оид мақолалар
21.Савол Шаққи садр Расулуллоҳ соллаллоҳу алайҳи васалламнинг кўкракларини ёриш воқеасида Аллоҳ таоло фаришталари орқали Расулуллоҳ соллаллоҳу алайҳи давоми...

01:20 / 02.12.2017 1066
Зино, роса катта гуноҳ. Биз кўпчилик зинони эркак ва аёлнинг ношаръий қўшилиши деб тушунамиз. Лекин, зинога яқин ўпишиш, қучоқлаш, кўз билан ёмон қараш, гап отиш давоми...

09:23 / 24.11.2016 2276
«Ҳилолнашр» нашриётматбааси томонидан чоп этилган «Исломнинг мадори бўлган ҳадислар» туркумининг сўнгги икки китоби «Ҳалол очиқ ойдиндир, ҳаром очиқ ойдиндир» давоми...

01:03 / 10.01.2017 1920
Никоҳнинг илк даври энг қийин   пайт ҳисобланиб, ўз ҳаёт тартибига эга бўлган икки ёш тамоман ўзгача ҳаёт тарзига кўникишлари керак бўлади. Бироқ айни даврни давоми...

07:39 / 19.02.2017 11144