Бугун 24 февраль 2018 йил санасида Тошкент вилоятининг Назарбек туманида жойлашган 8-мактаб ўқитувчи ва ўқувчилари “Ҳилол-нашр” нашриётига ташриф буюришди. Ёш меҳмонлар устозлари назоратида аввал нашриёт ва босмахона ишлари билан танишдилар, улар китоб қай даражада меҳнату машаққат билан қўлга тегишини ўз кўзлари билан кўриб гувоҳи бўлдилар. Сўнгра китоб дўконига кирдилар ва у ердаги иш жараёни билан ҳам яқиндан танишишди. Кейин эса “Ҳилол-нашр”нинг катта мажлислар залида бўлишиб, олима Одинахон Муҳаммад Содиқ ва нашриёт бош муҳаррири Озод Мунавварнинг нутқларини тингладилар. Улар ўқувчиларга Шайх Муҳаммад Содиқ Муҳаммад Юсуф ҳазратлари ҳақларида, у кишининг қилиб ўтган ҳамда мерос қолдирган ишлари, шунингдек, китоб ва унинг қадри тўғрисида гапириб бердилар. Ажойиб суҳбат шеърхонликка уланиб кетди. “Муслимаат.уз” сайти ходималари Алишер Навоий ғазаллари ва ўқувчи қизлар эса ўзлари ёзган шеърлардан йиғилганларга айтиб беришди. Шунингдек, ўқувчилардан ҳамда ўқитувчилардан ушбу саёҳатдан таассуротлари сўралганда улар жуда хурсанд бўлишганини, китоб чиқариш мураккаб жараён эканини билишганини ва бошқа дил сўзларини изҳор этишди. Меҳмонларга “Ҳилол-нашр” нашриёти томонидан китоблар совға қилинди.Зуҳрахон ҲАМДАМОВА, “muslimaat.uz” учун махсус тайёрлади.
