Шом ошхонасида Башамелли макарон
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

[embed]https://www.youtube.com/watch?v=MfhqPTT0yNI[/embed]  

БАШАМЕЛЛИ МАКАРОН

Ассалому алайкум!

Бугунги таомимиз барча севиб истеъмол қиладиган башамелли макарон.

Бизга қуйидаги масаллиқлар керак бўлади:

200 гр қийма

1 ош қошиқ томат пастаси

1 ош қошиқ қизил булғор пастаси

1 дона кўк булғор қалампири

2 дона майдаланган пиёз

Юқоридаги барча масаллиқлар қийма тайёрлаш учун ишлатилади.

Башамелни тайёрлаш учун эса:

5 стакан сут керак бўлади. Сутни айнан мана шундай стаканда ўлчаб оламиз.

5 ош қошиқ ун

1 дона тухум

2 ош қошиқ сариёғ

Туз, мурч ҳамда таъбга кўра зираворлар керак бўлади (мурч ва зираворлар қийма учун).

Макаронни мана бу хилидан танлашимиз мумкин, ярим кг макарон кифоя.

Уни сувда қайнатиб қўямиз.

Энди навбат қийма тайёрлашга. Тавага озроқ ёғ солиб, пиёзни қовурамиз. Устидан қийма гўштни солиб, аралаштирамиз. Гўштга бир оз мурч соламиз. Зираворларни ҳам соламиз. Гўшт пишгунча қовуришда давом этамиз. Қийма тайёр, энди унга пасталаримизни солиб яна аралаштирамиз. Озроқ туз соламиз. Қиймамиз қуруқ бўлиб қолмаслиги учун бир оз сув соламиз. Тўғралган булғор қалампирини ҳам солиб, ўн дақиқага қолдирамиз.

Башамелни тайёрлаш:

 Қозонга совуқ сутни қуйиб, устидан тухум солиб, яхшилаб аралаштирамиз. Сўнгра унни соламиз. Шундай қилсак, массамиз қайнаб чиққанда умуман қумоқ-қумоқ бўлиб қолмайди. Сариёғни соламиз. Барча масаллиқлар бўтқа ҳолига келгунча аралаштирамиз. Туз соламиз. Ўртача қуюқ масса ҳосил бўлгач, оловни ўчирамиз. Мана башамел тайёр!

Энди унинг бир қисмини устки қават учун олиб қўямиз, қолган қисмига қайнатилган макаронни солиб аралаштирамиз. Тайёр макароннинг кўпроқ қисмини қолипга солиб, текислаб чиқамиз. Устидан қиймани соламиз. Унинг устидан қолган макаронни сийракроқ ҳолда текислаб чиқамиз. Энг юқори қаватига башамел кремнинг қолганини соламиз. Барча масаллиқлар пишириб олинди шунинг учун духовкада узоқ муддат қолиши шарт эмас, тахминан ярим соат ўтгач, таом тайёр бўлади. Духовкани тепа ва паст қисмини баробар ёқамиз. Башамелнинг усти қизариши билан у тайёр ҳисобланади.

Таомимизнинг якуний кўриниши мана шундай.

Энди уни бемалол дастурхонга тортишимиз мумкин.

Ёқимли иштаҳа!

muslimaat.uz

     
Мавзуга оид мақолалар
Муборак Рамазон ойи муносабати билан ўтказиладиган навбатдаги танловни эълон қиламиз. Танлов шартига кўра, ажойиб суратни ишлагач, устига Рамазон ойига мос давоми...

11:17 / 03.05.2019 1029
Бисмиллаҳир Роҳманир Роҳийм Бизни Рамазонга соғсаломат етказган Аллоҳ субҳанаҳу ва таолога чексиз ҳамду санолар бўлсин Ўзи барчамизни ушбу муборак ойнинг давоми...

21:07 / 25.12.2016 1732
Бош оғриғини халқ табобати ёрдамида даволаймиз Баъзи шарбатлар бош оғриғига даводир Бошингиз сурункали равишда оғриса, картошка шарбатини кунига чорак давоми...

02:38 / 22.11.2016 10946
Умр йўлларида ҒАНИМАТ ЛАҲЗАЛАР Кунлар совуб қолгани боис, турмуш ўртоғим ишдан қайтаётганда дўкондан улов учун музламайдиган сув антифриз олиб кетишимиз давоми...

06:07 / 12.03.2017 7915