Расулуллоҳ соллаллоҳу алайҳи васаллам Аллоҳ таолонинг энг ҳақ динини бизга етказиб бердилар; (Қуръони Карим ўргатиб, барча нарсаларни ҳатто уйқудан туришдан бошлаб, кунни қандай ўтказишимизгача).
Расулуллоҳ соллаллоҳу алайҳи васалламни яхши кўришимиз улуғ ажрдир.
Инсон кимни яхши кўрса, Қиёматда ҳам у билан бирга бўлади; (яъни биз Расулуллоҳ соллаллоҳу алайҳи васаллам билан бирга бўлишни хоҳлаймиз).
Аллоҳ бизни яхши кўриши учун биз Расулуллоҳ соллаллоҳу алайҳи васалламни яхши кўрамиз.
Уларда биз учун гўзал ибрат бордир; (бутун ҳаётларида, гўзал хулқларида).
Бизни шафоат қилишларидан умидвормиз.
Иймонимиз комил бўлиши учун Расулуллоҳ соллаллоҳу алайҳи васалламни барча нарсалардан, барча-барчадан кўп яхши кўрамиз.
Аллоҳнинг севгисига олиб борувчи севгидир.
Расулуллоҳ соллаллоҳу алайҳи васалламнинг севгилари нажотдир; (яъни Расулуллоҳ алайҳиссаломнинг суннатлари орқали ғафлатдан уйғонамиз).
Аллоҳ ва Унинг Расулига бўлган муҳаббатнинг самараси жаннатдир, иншааллоҳ.
Расулуллоҳ соллаллоҳу алайҳи васалламнинг умматлари энг бахтли умматдир; (чунки Пайғамбарлар ҳам Расулуллоҳ алайҳиссаломнинг умматлари бўлишни истаганлар).
Расулуллоҳ соллаллоҳу алайҳи васаллам биринчи бўлиб жаннат эшикларини очадилар ва ундан у зотнинг умматлари кирадилар.
Аллоҳ таоло Ўз каломида Расулуллоҳ соллаллоҳу алайҳи васалламни “Роҳматаллил аъламийн” деб сифатлади ва Аллоҳ таолонинг Ўзи у зотни мақтади.
