Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
22 декабрь куни Ўзбекистон Мусулмонлар идораси Ҳадичаи Кубро номидаги аёл-қизлар Ислом ўқув билим юртида «Қориялар мусобақаси»нинг саралаш босқичи бўлиб ўтди. Ўзбекистон диний идорасининг хайрия бошқармаси ходими Худойбердиев Фаррух, Кўкалдош мадрасасининг мударриси Қурбоев Жасур, Хадичаи Кубро мудираси Ибрагимова Нозима, билим юрт мударрисаси Шайха Одинахон Муҳаммад Юсуфлар ҳайъат аъзолари сифатида қатнашдилар.
Мусобақа икки йўналишда, яъни мураттаб ва мужаввид қориялар йўналишида бўлиб ўтди. Мураттаб қориялар йўналиши бўйича 3 нафар, мужаввид қориялар йўналиши бўйича эса 6 нафар талабалар иштирок этдилар.
Мусобақа якунида Ўзбекистон диний идорасининг хайрия бошқармаси ходими Худойбердиев Фаррух сўз олди ва мусобақа ғолибаларини эълон қилди.
Мураттаб қориялар йўналиши бўйича ғолибалар қуйидагилар:
Камолиддинова Ҳабиба I ўрин соҳибаси
Масидиқова Ўғилой II ўрин соҳибаси
Миржалилова Мухлиса III ўрин соҳибаси
Мужаввид қориялар йўналиши бўйича ғолибалар қуйидагилар:
Шуҳратова Марям I ўрин соҳибаси
Авазова Одина II ўрин соҳибаси
Умаралиева Эъзозахон III ўрин соҳибаси деб топилди.
Ғолибаларга эсдалик совғалари тақдим қилинди. Мусобақа Қуръони Карим тиловати ва хайрли дуолар билан якунланди.
Эслатиб ўтамиз, мусобақа ғолибалари энди «Қориялар мусобақаси»нинг шаҳар босқичида иштирок этадилар.
muslimaat.uz
