Гумон ҳақида
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллоҳ таоло «Ҳужурот» сурасида:

«Эй, иймон келтирганлар! Кўп гумонлардан четда бўлинглар, чунки баъзи гумонлар гуноҳдир», деган (12-оят).

Ўйлаб кўрилса, ўзаро низолар ва келишмовчиликлар кўпинча бир-биридан ёмон гумон қилишдан келиб чиқади. Ундан четда бўлиш учун доимо кишилар ҳақида яхши гумонда бўлиш, улар ҳақида етган хабарларни яхшиликка йўйиш керак.

Бу ҳақида ҳазрати Умар розияллоҳу анҳу: «Агар яхшиликка буришнинг бирорта йўли бўлса ҳам, мўмин биродарингдан чиққан сўз ҳақида фақат яхши гумон қил», деган эканлар.

Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Зинҳор ва зинҳор бадгумон бўлманглар. Чунки бадгумонлик сўзнинг энг ёлғонидир», – дедилар».

Бухорий ривоят қилган.

Муовия розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Агар одамларнинг айбини ахтарадиган бўлсанг, уларни бузасан», – дедилар».

София розияллоҳу анҳо айтди:

«Пайғамбар соллаллоҳу алайҳи васаллам масжидда эътикоф ўтирган эдилар. Мен кечаси у Зотнинг зиёратларига келдим, бироз гаплашдим, сўнг уйим томон турдим. Ул Зот мени кузатгани мен билан турдилар. (Ул Зотнинг уйи Усома ибн Зайднинг масканида эди). Бас, ансорийлардан икки киши ўтиб қолди. Улар Пайғамбар соллаллоҳу алайҳи васалламни кўришлари билан тезлаб қолдилар.

Шунда у Зот: «Икковингиз шошилманг, бу (аёл) София бинти Ҳуяйдир», – дедилар.

«Субҳaналлоҳ! Эй Аллоҳнинг Расули!» – дейишди.

«Албатта, шайтон инсоннинг қон юрар жойида юради. Мен у сизнинг қалбингизга бирор нарсани ёки ёмонликни отишидан қўрқдим», – дедилар.

Бешовларидан фақат Термизий ривоят қилмаган.

Мавзуга оид мақолалар
Бир кишини яхши билиб олишнинг учта шарти бор бирга сафарга чиқиш, бир маконда бўлиш ва савдо қилиш.Майсара давоми...

21:52 / 25.09.2023 3108
Компьютерларни ёки компьютерлар тармоғини бузиб кириш хакерлик деб аталади. Фейсбук саҳифаларини хакерлик давоми...

12:14 / 03.06.2019 4472
Европада Рождество арчасидан бош тортмоқдалар. Бунга сабаб маҳаллий мусулмонларнинг норозилигидир. Белгия давоми...

20:03 / 02.12.2016 3007
«Аврат» сўзи луғатда «нуқсон», «айб» деган маъноларни билдиради. Шариатда эса беркитилиши вожиб ва назар давоми...

14:37 / 16.05.2017 5899