Гўдак тилидан (ўн тўртинчи кун...)
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ўн тўртинчи кун...

Ассалому алайкум! Мана бугун ўн тўртинчи кун! Рамазоннинг ярмига ҳам озгина қолди.

Бугун уйимизга қўшнимиз Салима келинойи чиқдилар. Сизларга айтсам Салима келинойи шунақанги кўп гапирадиларки.

Хар гал бизникига чиқсалар кўп гапирганларидан ойимнинг бошлари оғриб қолади. Яна менга қараб:

- Муҳаммад Айюб ойингни кўп боши оғрийдида. Сен ҳадеб бошларини оғритмагин. Ҳўпми? - дейдилар. Биласизми? Аслида ўзлари сабабчи эканликларини биладилар. Шунинг учун ўзлари билан бош оғриғига қарши дори олиб чиқадилар.

???

Хуллас бугун чиққанларида қўшнимизнинг қизи Сайёра опам ҳақида гапирдилар. Нима эмиш? Сайёра опам дангаса ишёқмас қиз эканлар. Ишларни чала қилар эканлар. Салима келинойининг қизлари Шаҳноза опам эса чаққон, озода эканлар. Ҳар доим йўлакларни тозалаб, ойналарни артиб қўяр эканлар. Қизиқ. Жуда ҳам қизиқ. Одатда йўлакларни Сайёра опам супуриб тозалайдилар. Баъзида мен ҳам уларга ёрдамлашаманку.

Шаҳноза опам эса қаёққадур чиқиб кетганича кеч келади.

Хуллас олдинги ҳафта катта аммамлар бизникига келишган эди. Кейин эса ойим билан Сайёра опамларни уйларига чиқишди. Қайтиб чиқишганидан сўнг ойимдан нима учун қўшнимизникига чиқишганлигини сўрадим. Ойим эса «Худо хоҳласа тўй қиламиз ўғлим. Фотиҳ акангни уйлантирамиз» деган эдилар.

Бундан хабар топган Салима келинойи эса ўзингиз гувоҳи бўлганингиздек бизникига чиқдилар. Яна нималарнидур гапириб ўтиргандилар эшигимиз қўнғироғи чалинди. Очсам Шаҳноза опам эканлар. Мендан Салима келинойини чақириб беришимни сўрадилар. Салима келинойи чиқиб:

- Бир оз менсиз ўтира олмайсизлар. Нега чиқдинг? - дедилар.

Шаҳноза опам эса:

- Сизни дадам чақирябдилар. Тез тушмасангиз овқатнинг таги олиб кетар экан. - дедилар.

Шунда Салима келинойи:

- Ўзинг қарасанг бўлмайдими? Кап-катта қизсанку. - дедилар.

Шаҳноза опам эса:

- Вой ойи, қизиқмисиз? Қачон кўргансиз мен қозон кавлаганимни? - дедиларда зарда билан тушиб кетдилар.

Ҳамма бир муддат жим бўлиб қолди. Кейин ойим:

- Қўшни борақолинг. Яна овқатингиз куйиб кетмасин! - дедилар. Салима келинойи эса ҳеч нараа дея олмай чиқиб кетдилар.

Мавзуга оид мақолалар
 Набий соллаллоҳу алайҳи васалламга бўлган муҳаббатни уйғотишда бир нечта усуллар мавжуд отаоналар  болаларига кичкина саҳобаларнинг Расулуллоҳ соллаллоҳу давоми...

01:25 / 01.02.2017 3403
43. Савол Ваҳий нима Жавоб Ваҳийнинг луғавий маъноси Аллоҳ таолонинг Ўз пайғамбарларига зудлик билан юборган диний кўрсатмасидир. Ваҳий фаришталар орқали ёки давоми...

06:02 / 11.12.2017 530
Ўтмишда тақводор бир кампир бўлган экан. Ҳақиқатан, тақвоси мустаҳкам, ҳар ишда Аллоҳни васийла қиладиган, ҳар ишда Унга юзланадиган қария кампир... Ҳар куни эрта давоми...

23:37 / 30.11.2016 1590
Қурбонлик қурбон ҳайити кунлари сўйиладиган ҳайвондир. Фуқаҳолар истилоҳида қурбонлик «Махсус ҳайвонни махсус вақтда сўйишдир». Қурбонлик шариатга иккинчи давоми...

04:27 / 10.11.2016 1043