Мухтасар ҳанафий фиқҳи «Беҳишти зевар» ТАҲОРАТГА ОИД
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

26-масала

Агар кўзда йиринг бўлиб, ундан қон чиқсаю, лекин кўзнинг ташқарисига оқмаса, таҳорат бузилмайди. Лекин кўзнинг ташқарисига оқса, бузилади. Худди шунингдек, йиринг бурун ёки қулоқнинг ичкарисида бўлиб, ундан қон чиқиб, ғусл пайтида ювиш фарз бўлган жойгача оқиб келмаса, таҳорат лозим бўлмайди. Лекин ғусл қилганда ювиш фарз бўлган жойгача оқса, таҳорат лозим бўлади.

27-масала

Яранинг пўсти олиб ташланганда унинг ўрнида қон кўринсаю, лекин ундан оқмаса, таҳорат кетмайди. Оқса, таҳорат кетади.

28-масала

Агар қон ёки йиринг жароҳатнинг ичида оқиб, ундан ташқарига чиқмаса, таҳорат бузилмайди. Лекин ундан ташқарига чиқса, бузилади.

29-масала

Агар жароҳатнинг ўзида қон кўринса, уни артиб ташлангандан кейин яна кўринса, сўнг яна артиб ташланса, учинчи марта ҳам шундай бўлса – агар қонни артмай, ўз ҳолига қўйилганда жароҳат ўрнидан ташқарига оққан бўларди, дейилса, таҳорат бузилади. Агар ундай бўлмаса, яъни қон кам бўлиб, ўз ҳолига қўйилганда оқмаган бўларди, дейилса, бузилмайди. Қон кўриниб, унга тупроқ ёки кул сепилишининг ҳукми ҳам шундай.

30-масала

Киши тупурганда тупугида қон кўрса ва бу қон кам бўлса, яъни тупукнинг оқи қоннинг қизилидан кўпроқ бўлса, таҳорат лозим бўлмайди. Лекин қон кўп бўлса, яъни қоннинг қизили тупукнинг оқидан кўпроқ бўлса ёки тенг бўлса, таҳорат лозим бўлади.

Ашраф Али Таҳонавий

Мавзуга оид мақолалар
Абу Масъуд розияллоҳу анҳудан ривоят қилинади «Пайғамбар соллаллоҳу алайҳи васаллам «Жаброил тушиб менга имом бўлди. Бас, у билан намоз ўқидим, сўнгра у билан давоми...

04:41 / 08.11.2016 16179
Юмшатиб кўнгил тошини, эшитдим ул буюк Қуръон, Қулига келди Ҳақдин иноят, келди бул азим Фурқон. Дариғо, дунёйи фоний, зарингни бехатар билдим,  Дилимни боғладим давоми...

05:05 / 28.11.2016 914
embedhttpswww.youtube.comwatchvxLBUilBkTIembed

23:42 / 14.09.2016 993
  Бемор тузалганидан, мусофир муқим бўлганидан кейин рухсат бўлгани боис тутмаган рўзасини тутиши керак. Аммо «Кейинроқ тутарман», деган хаёл билан юриб, уни давоми...

01:27 / 01.06.2017 730