Аёллар фиқҳи
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Савол: Агар ҳаммом ёки ошхонада идишдаги сувнинг усти очиқ қолса, ўша сувни ишлатиш мумкинми?

ЖАВОБ: Бисмиллаҳир Роҳманир Роҳийм

Бундай сувларнинг устини очиқ қолдирмасликка ҳаракат қилиш керак. Агар очиқ қолса-ю, унга бирор нажосат нарса тушиб, унинг поклигини булғамаган бўлса, уни ишлатиш жоиз. Валлоҳу аълам.

Савол: Оғиздан келган қусқининг нажосати ғалийза эканини биламан. Аммо чақалоқларнинг баъзида келадиган қайтлари ҳам ғалийзами ёки хафийфа нажасми? Ёки умуман нажас эмасми?

ЖАВОБ: Бисмиллаҳир Роҳманир Роҳийм

Ҳанафий мазҳабига кўра, қайт ғалийза нажосат ҳисобланади, чунки инсон баданидан чиққан ҳар бир нарса таҳоратни вожиб қилади ва шунинг учун қайтнинг нажосатлиги ғалийза бўлади.

Нажмуддин Насафийнинг фатволарида қуйидагилар келган:

«Агар бола эмса, сўнг қайт қилса ва у онанинг кийимига тегса, агар оғиз тўла бўлса, бас, у нажасдир. Бинобарин, у агар дирҳам миқдоридан ўтса, ўша кийимда намоз ўқишни манъ қилади.

Ҳасан ибн Зиёд Абу Ҳанийфадан ривоят қилади: «Агар қусқи жуда кўп бўлмаса, намозни манъ қилмайди, чунки у ҳар жиҳатдан ҳам ўзгарган эмас».

Аммо агар қусқи оғиз тўла бўлмаса, зарари йўқ. Валлоҳу аълам.

САВОЛ: Чивин, сўна, канага ўхшаш қон сўрувчи ҳашаротлар чақиши билан таҳорат синадими?

ЖАВОБ: Бу ҳашаротлар чивинлар каби кичкина бўлиб, сўрган қони оқадиган миқдорда бўлмаса, таҳорат синмайди. Агар кана, зулук каби каттароқ ҳашарот бўлиб, сўрган қони оқадиган миқдорда бўлса, таҳоратни синдиради.

وفي «فتاوى سمرقند»: القراد إذا مص من عضو إنسان وامتلأ دماً إن كان صغيراً لا ينتقض وضوءه، لأن الدم فيه ليس بسائل، وإن كان كبيراً انتقض وضوءه؛ لأن الدم فيه سائل

«Фатавои Самарқанд» китобида келтирилади:

«Кана инсон аъзосини чақиб қонини сўрса, агар у (кана) кичкина бўлса, таҳорат синмайди, чунки унинг сўрган қони оқувчи эмас. Агар у (кана) катта бўлса, таҳорат синади. Чунки унинг сўриган қони оқувчи қондир». Муҳийтул-Бурҳоний лил-Имам.

 
Мавзуга оид мақолалар
31масала Киши бирор нарсани, масалан, олмани тишлаб, унда қон изини кўрсаю, сўнгра туфлаганида туфугида қон давоми...

20:36 / 25.04.2019 2885
Мен охирги вақтларда «Биз Қуръонни мўминлар учун шифо ва раҳмат ўлароқ нозил қилурмиз...» Исро сураси, 82оят давоми...

21:00 / 07.11.2019 3596
Керакли маҳсулотлар лаваш нони, 200 г товуқ ёки мол гўшти, 1та пиёз, 1 та помидор, 100 г бринза, 2 та салат барги, кўк давоми...

14:02 / 25.01.2017 7582
Махрома ибн Букайрдан, у киши отасидан ривоят қилади «У киши Абдуллоҳ ибн Жаъфар Амр ибн Абу Саламанинг икки давоми...

11:55 / 12.10.2016 4899