«Расулуллоҳнинг аҳли байти ва асҳоблари» танловининг ғолиби

0 1 061

Бисмиллаҳир Роҳманир Роҳийм

Алҳамдулиллаҳи Роббил аъламийн

Вассолату вассаламу аъла Расулиллаҳ

Бу йилги Набийимиз соллаллоҳу алайҳи васалламга бағишланган танловимизда  олдинги йилларга нисбатан жуда кўп кишилар қатнашдилар. Танловда иштирок этган барча азиз ва азизаларимизга фаолликлари учун ўз миннатдорчилигимизни изҳор қиламиз. Бу йилги танлов саволлари ҳам ўтган йилгилардан фарқли ўлароқ, мураккаб ва инсонни изланишга ва китоб ўқишга мажбурлайдиган эди. Бизнинг фаол иштирокчиларимиз қисқа вақт ичида шундай саволларга ўзларининг тўғри деб билган жавобларини юбордилар. Бу эса ўқувчиларнинг сийратга оид бўлган билимлари йилдан-йилга ошиб бораётганига далолат қилади. 

Танловда иштирок этган ҳар бир киши имконият ва билим даражасида тўғри жавобларни топишга  ҳаракат қилган. Бугунги ғолиб деб эълон қилаётганимиз эса бошқаларга нисбатан кўпроқ тўғри жавобни белгилаган. 

Демак, танловимизнинг мутлақ ғолиби Бобохонова Равзахон бўлдилар. Ғолибамизни чин юракдан табриклаймиз ва барча иштирокчиларга илмлари бундан-да зиёда бўлишини, Аллоҳ таоло илм  йўлидаги машаққатларининг ажрини   икки дунёда ҳам кўпайтириб беришини тилаб қоламиз.

Вассаламу алайкум ва роҳматуллоҳи ва барокатуҳ!

muslimaat.uz

Баҳам кўринг

Leave A Reply