Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ўзбекистон Республикаси Президенти Ислом Абдуғаниевич Каримовнинг вафоти муносабати билан ТАЪЗИЯ
Истиқлол раҳнамоси, халқимизнинг буюк фарзанди Ислом Абдуғаниевич Каримов фоний дунёдан боқий дунёга риҳлат қилдилар. Юртбошимиз халқнинг хотирасида мустақиллик, тинчлик бунёдкори тимсоли сифатида сақланиб қолажак. «Ислом.уз» портали ҳамда «Ҳилол-нашр» нашриёт-матбааси ушбу оғир айрилиқ муносабати билан юртбошимизнинг оила аъзоларига, яқинларига ва бутун ўзбек халқига таъзия изҳор қилиб, самимий ҳамдардлик билдиради. Аллоҳ таоло у кишининг диний қадриятларнинг тикланиши, Ватан озодлиги, эл-юрт тинчлиги ва халқ фаровонлиги йўлидаги меҳнатлари, садақаи жорияларини ва солиҳ амалларини ҳусни қабул айлаб, мағфиратига олсин ва муносиб мукофотласин. «Албатта, биз Аллоҳникимиз ва албатта, Унга қайтамиз» (Бақара сураси, 156-оят).
muslimaat.uz
