Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Қалбда қасоват бўлиб, уни Аллоҳ таолонинг зикригина эритади. Шунинг учун банда қалбининг қасоватини Аллоҳ таолонинг зикри ила даволасин.
Муъалло ибн Зиёддан ривоят қилинади:
«Бир киши Ҳасан Басрийга: «Эй Абу Саъийд! Дийдам қаттиқлигидан сенга шикоят қилиб келдим», деди. У киши: «Зикр билан эрит», деди».
Аллоҳ таоло: «Албатта, Аллоҳ зикр қилинса, қалблари ларзага келадиган, уларга оятлари тиловат этилса, иймонларини зиёда қиладиган ва Роббларига таваккул қиладиганларгина мўминлардир», деди. (Анфол сураси, 2-оят)
✍️ Муҳаммад Али Муҳаммад Юсуф
